Mańǵystaý oblysy ákiminiń burynǵy orynbasary, memlekettik jáne qoǵam qairatkeri Rahymbek Ámirjanov 62 jasynda ómirden ótti. Túpqaraǵan aýdanynyń ákimdigi marqumnyń otbasy men jaqyndaryna kóńil aitty, dep habarlaidy ult.kz.
Aýdan ákimdiginiń Facebook paraqshasynda jariialanǵan kóńil aitý habarlamasyna sáikes, Rahymbek Ámirjanov óńirdiń damýyna eleýli úles qosqan bilikti basshy bolǵan.
Túpqaraǵan aýdanynyń ákimdigi, aýdandyq ardagerler keńesi men qoǵamdyq keńes marqumnyń otbasy men týǵan-týystarynyń qaiǵysyna ortaqtasyp, kóńil bildirdi.
«Ol sanaly ǵumyryn el igiligine, aimaqtyń áleýmettik-ekonomikalyq órkendeýine arnady. Sońynda óshpes iz, jarqyn úlgi qaldyrdy. Parasatty tulǵasy, iskerlik qabileti men adamgershilik qasietteri zamandastary men áriptesteriniń jadynda máńgi saqtalady», – delingen habarlamada.
