ماڭعىستاۋ وبلىسى ەكٸمٸنٸڭ بۇرىنعى ورىنباسارى, مەملەكەتتٸك جەنە قوعام قايراتكەرٸ راحىمبەك ەمٸرجانوۆ 62 جاسىندا ٶمٸردەن ٶتتٸ. تٷپقاراعان اۋدانىنىڭ ەكٸمدٸگٸ مارقۇمنىڭ وتباسى مەن جاقىندارىنا كٶڭٸل ايتتى, دەپ حابارلايدى ult.kz.
اۋدان ەكٸمدٸگٸنٸڭ Facebook پاراقشاسىندا جارييالانعان كٶڭٸل ايتۋ حابارلاماسىنا سەيكەس, راحىمبەك ەمٸرجانوۆ ٶڭٸردٸڭ دامۋىنا ەلەۋلٸ ٷلەس قوسقان بٸلٸكتٸ باسشى بولعان.
تٷپقاراعان اۋدانىنىڭ ەكٸمدٸگٸ, اۋداندىق ارداگەرلەر كەڭەسٸ مەن قوعامدىق كەڭەس مارقۇمنىڭ وتباسى مەن تۋعان-تۋىستارىنىڭ قايعىسىنا ورتاقتاسىپ, كٶڭٸل بٸلدٸردٸ.
«ول سانالى عۇمىرىن ەل يگٸلٸگٸنە, ايماقتىڭ ەلەۋمەتتٸك-ەكونوميكالىق ٶركەندەۋٸنە ارنادى. سوڭىندا ٶشپەس ٸز, جارقىن ٷلگٸ قالدىردى. پاراساتتى تۇلعاسى, ٸسكەرلٸك قابٸلەتٸ مەن ادامگەرشٸلٸك قاسيەتتەرٸ زامانداستارى مەن ەرٸپتەستەرٸنٸڭ جادىندا مەڭگٸ ساقتالادى», – دەلٸنگەن حابارلامادا.
