12 قاراشادا قازاقستاننىڭ باسىم بٶلٸگٸندە جاڭبىر مەن قار جاۋىپ, تۇمان تٷسەدٸ, كٶكتايعاق بولادى. وڭتٷستٸك-شىعىستا جاۋىن-شاشىن كٷشەيٸپ, باتىس, وڭتٷستٸك جەنە شىعىس ٶڭٸرلەردە جەلدٸڭ ەكپٸنٸ ارتادى, دەپ حابارلايدى ult.kz.
استانادا جاۋىن-شاشىن بولمايدى. اۋا تەمپەراتۋراسى تٷندە −4…−6, كٷندٸز −1…+1 گرادۋس, جەلدٸڭ جىلدامدىعى سەكۋندىنا 3–8 مەتر بولادى. الماتىدا تٷندە جاڭبىر مەن قار جاۋىپ, تۇمان تٷسۋٸ مٷمكٸن, كٷندٸز جاۋىن-شاشىن توقتايدى. تٷندە 0…+2, كٷندٸز +5…+7 گرادۋس, جەل سەكۋندىنا 3–8 مەتر بولادى. شىمكەنتتە جاۋىن-شاشىن كٷتٸلمەيدٸ: تٷندە −1…−3, كٷندٸز +7…+9 گرادۋس. جەلدٸڭ جىلدامدىعى سەكۋندىنا 8–13 مەترگە جەتەدٸ.
سولتٷستٸك پەن ورتالىقتا تٷنگٸ اياز ساقتالادى. اقمولا وبلىسىندا جاڭبىر مەن قار جاۋىپ, كٶكتايعاق بولادى: تٷندە −2…−7, كٷندٸز −2…+3 گرادۋس. سولتٷستٸك قازاقستان وبلىسىندا تٷندە ازداعان قار جاۋۋى مٷمكٸن, تەمپەراتۋرا −5 گرادۋسقا, وڭتٷستٸگٸندە −8 گرادۋسقا دەيٸن تٶمەندەيدٸ, كٷندٸز 0…+5 گرادۋس بولادى. پاۆلودار وبلىسىندا جاۋىن-شاشىنسىز, تٷندە −4…−9, كٷندٸز −2…+3 گرادۋس كٷتٸلەدٸ. قاراعاندى جەنە ۇلىتاۋ وبلىستارىندا قار جاۋىپ, تۇمان تٷسەدٸ, كٶكتايعاق بولادى. قاراعاندى وبلىسىنىڭ شىعىسىندا تٷندە −10 گرادۋسقا دەيٸن سۋىتادى.
باتىس قازاقستان مەن اتىراۋ وبلىستارىنىڭ بٸرقاتار اۋدانىندا جاڭبىر جاۋادى. باتىس قازاقستان وبلىسىندا تٷندە 0…+5, سولتٷستٸك-شىعىسىندا −3 گرادۋسقا دەيٸن, كٷندٸز +3…+8 گرادۋس بولادى. جەل ەكپٸنٸ سەكۋندىنا 15–20 مەترگە جەتەدٸ. اتىراۋ وبلىسىندا تٷندە 0…+5, شىعىسىندا −3 گرادۋسقا دەيٸن, كٷندٸز +5…+10 گرادۋس كٷتٸلەدٸ. اقتٶبە وبلىسىندا جاڭبىر مەن قار ارالاس جاۋىن-شاشىن, تۇمان جەنە كٶكتايعاق بولجانادى: تٷندە 0…−5, كٷندٸز +2…+7 گرادۋس. ماڭعىستاۋدىڭ باتىسى مەن سولتٷستٸك-شىعىسىندا دا جاڭبىر مەن قار جاۋۋى مٷمكٸن.
