تانىمال اكتەر جانبولات نايزابەكوۆ وتباسىلىق ٶمٸرٸ تۋرالى ەڭگٸمەلەپ, جۇبايىن قالاي قۋانتاتىنىن ايتتى, دەپ حابارلايدى ult.kz.
ٶنەر يەسٸ جۋرناليست اينۇر اسانبەردٸگە بەرگەن سۇحباتىندا ٶزٸن رومانتيك كٷيەۋ سانايتىنىن ايتىپ, ەيەلٸنە سەبەپسٸز گٷل سىيلاعاندى ۇناتاتىنىن جەتكٸزدٸ. ەسٸرەسە جۇبايىنىڭ گٷل العان سەتتەگٸ قۋانىشىن كٶرۋ اكتەرگە ەرەكشە ەسەر سىيلايدى ەكەن.
"مەن زور كٷيەۋمٸن. مەن رومانتيكپٸن. سەبەپسٸز گٷل سىيلاعاندى جاقسى كٶرەمٸن. ٶيتكەنٸ ەيەلٸمنٸڭ گٷلگە قارايتىنى ۇنايدى. وي, قايشىسىن الىپ, ارتىق جەرٸن كەسٸپ, باپتايدى. گٷلدٸ كەرەمەت كٷتەدٸ. ماعان سول ەموتسيياسى ۇنايدى. مەز بولىپ قالادى", – دەدٸ اكتەر.
جانبولات نايزابەكوۆ بەس بالا تەربيەلەپ وتىرعان وتباسىندا كٷندەلٸكتٸ كٷيبەڭ تٸرشٸلٸك پەن شارشاۋدىڭ بولاتىنىن جاسىرمادى. ونىڭ سٶزٸنشە, كەيدە جۇبايىنىڭ كٶڭٸلٸن كٶتەرٸپ, ٷي ٸشٸنە قۋانىش سىيلاۋ ٷشٸن بٸر شوق گٷلدٸڭ ٶزٸ جەتكٸلٸكتٸ.
"ٷيدە بەس بالا بار, سترەسس بولادى. بٸر بۋكەتپەن كٸرٸپ باراسىڭ, بەرٸ باسقاشا عوي. مەن كەلٸنشەگٸمدٸ قۋانتقاندى جاقسى كٶرەمٸن. ٷيٸمنٸڭ بەرەكەسٸ, بالالارىمنىڭ اناسى, اتا-انامنىڭ كەلٸنٸ. شٷكٸر, وسىنداي جاردى بەرگەن", – دەدٸ ول.
اكتەر قايىن جۇرتىنا دا ريزاشىلىعىن بٸلدٸردٸ. ونىڭ ايتۋىنشا, قايىن اتاسى – جىرشى ەرٸ تەرمەشٸ. ال جۇبايىنىڭ ٶزٸ دە ٶنەردەن الىس ەمەس, اكتەرلٸك ماماندىق بويىنشا بٸلٸم العان.
"اتا-ەنەم دە ٶتە كەرەمەت جاندار. اتام – جىرشى, تەرمەشٸ. كەلٸنشەگٸم دە قۇر ادام ەمەس, اكتەرلٸكتٸ بٸتٸرگەن", – دەپ تولىقتىردى جانبولات نايزابەكوۆ.
اكتەردٸڭ جارىنا دەگەن ىقىلاسىن اشىق بٸلدٸرگەنٸ جەلٸ قولدانۋشىلارىنىڭ كٶڭٸلٸنەن شىقتى. كٶپشٸلٸك ٶنەر يەسٸنٸڭ وتباسىنا دەگەن قۇرمەتٸن جوعارى باعالاپ, ەرلٸ-زايىپتىلارعا باقىت پەن تاتۋلىق تٸلەدٸ.
