Tanymal akter Janbolat Naizabekov otbasylyq ómiri týraly áńgimelep, jubaiyn qalai qýantatynyn aitty, dep habarlaidy ult.kz.
Óner iesi jýrnalist Ainur Asanberdige bergen suhbatynda ózin romantik kúieý sanaitynyn aityp, áieline sebepsiz gúl syilaǵandy unatatynyn jetkizdi. Ásirese jubaiynyń gúl alǵan sáttegi qýanyshyn kórý akterge erekshe áser syilaidy eken.
"Men zor kúieýmin. Men romantikpin. Sebepsiz gúl syilaǵandy jaqsy kóremin. Óitkeni áielimniń gúlge qaraityny unaidy. Oi, qaishysyn alyp, artyq jerin kesip, baptaidy. Gúldi keremet kútedi. Maǵan sol emotsiiasy unaidy. Máz bolyp qalady", – dedi akter.
Janbolat Naizabekov bes bala tárbielep otyrǵan otbasynda kúndelikti kúibeń tirshilik pen sharshaýdyń bolatynyn jasyrmady. Onyń sózinshe, keide jubaiynyń kóńilin kóterip, úi ishine qýanysh syilaý úshin bir shoq gúldiń ózi jetkilikti.
"Úide bes bala bar, stress bolady. Bir býketpen kirip barasyń, bári basqasha ǵoi. Men kelinshegimdi qýantqandy jaqsy kóremin. Úiimniń berekesi, balalarymnyń anasy, ata-anamnyń kelini. Shúkir, osyndai jardy bergen", – dedi ol.
Akter qaiyn jurtyna da rizashylyǵyn bildirdi. Onyń aitýynsha, qaiyn atasy – jyrshy ári termeshi. Al jubaiynyń ózi de ónerden alys emes, akterlik mamandyq boiynsha bilim alǵan.
"Ata-enem de óte keremet jandar. Atam – jyrshy, termeshi. Kelinshegim de qur adam emes, akterlikti bitirgen", – dep tolyqtyrdy Janbolat Naizabekov.
Akterdiń jaryna degen yqylasyn ashyq bildirgeni jeli qoldanýshylarynyń kóńilinen shyqty. Kópshilik óner iesiniń otbasyna degen qurmetin joǵary baǵalap, erli-zaiyptylarǵa baqyt pen tatýlyq tiledi.
