Qazaqstanda 729 azamat memleket taǵaiyndaǵan áleýmettik tólemder men járdemaqylardan óz erkimen bas tartqan, dep habarlaidy ult.kz Eńbek jáne halyqty áleýmettik qorǵaý ministrligine silteme jasap.
Ministrliktiń málimetinshe, 2026 jylǵy qazanda iske qosylǵan «Áleýmettik tólemderden óz erkimen bas tartý» tsifrlyq servisin osy ýaqytqa deiin 729 adam paidalanǵan.
Servis ne úshin qajet?
Bul qyzmet materialdyq jaǵdaiy jaqsy, ózin jáne otbasyn óz betinshe qamtamasyz etýge múmkindigi bar azamattarǵa memlekettik qoldaýdan erikti túrde bas tartýǵa múmkindik beredi.
Servis eGov Mobile mobildi qosymshasynda jáne eGov.kz portalynda qoljetimdi. Azamattar memlekettik organdarǵa barmai-aq, elektrondy ótinish bere alady.
2027 jyldan bastap ne ózgeredi?
Ministrlik málimetinshe, 2027 jylǵy 1 qańtardan bastap áleýmettik járdemaqylardyń 36 túriniń 12-si boiynsha memlekettik qoldaý kórsetý tetigi ataýlylyq qaǵidatyna kóshedi.
Iaǵni kómek birinshi kezekte oǵan shyn máninde muqtaj azamattarǵa baǵyttalady.
Áleýmettik tólemnen bas tartqan adam keiin qaita ótinish bere ala ma?
Ministrlik áleýmettik tólemderden bas tartý azamattyń mindeti emes, tek óz erkimen qabyldaityn sheshimi ekenin atap ótti.
Eger adamnyń ómirlik jaǵdaiy ózgerse, ol memlekettik qoldaýdy qaita taǵaiyndaý týraly ótinish bere alady. Ótinish qoldanystaǵy zańnamaǵa sáikes qaralady.
Ministrlik azamattardy kúmándi siltemelerge ótpeýge jáne servisti tek eGov Mobile men eGov.kz resmi platformalary arqyly paidalanýǵa shaqyrdy.
Buǵan deiin 2027 jyldan bastap Qazaqstanda kimderdiń járdemaqysy toqtatylýy múmkin ekenin jazdyq.
