Qazaqstanǵa transulttyq uiymdasqan qylmystyq toptyń quramynda jeńgetailyqpen ainalysty degen kúdikke ilingen Ózbekstan azamaty ekstraditsiialandy. Ol Grýziia aýmaǵynda ustalyp, Bas prokýratýranyń suraýy boiynsha elge qaitaryldy, dep habarlaidy ult.kz.
QR Bas prokýratýrasynyń málimetinshe, kúdiktini elge Bas prokýratýra men Ishki ister ministrliginiń Interpol qyzmetkerleri Qazaqstannyń Grýziiadaǵy Elshiliginiń qoldaýymen jetkizgen. Qazir ol tergeý izoliatoryna qamaldy.
Tergeý derekterine sáikes, kúdikti qylmystyq toptyń ózge múshelerimen birge jezókshelikpen ainalysatyn jáne seksýaldyq sipattaǵy qyzmet kórsetetin adamdardyń anketalaryn «Kyzdar.net» internet-resýrsynda jarnamalaýǵa kómektesken.
Ol saittaǵy anketalardyń shottaryn tolyqtyrýǵa ótinimder qabyldap, qyzmetterdi ilgeriletýmen ainalysqan. Al top músheleri túsken qarajattan komissiia ustap qalyp, qalǵan somany sait ákimshilerine aýdaryp otyrǵan. Osylaisha, zańsyz shemanyń úzdiksiz jumys isteýine jaǵdai jasaǵan.
Qylmystyq toptyń birqatar múshesi buǵan deiin sottalyp, ártúrli merzimge bas bostandyǵynan aiyrylǵan. Al kúdikti men toptyń basqa da músheleri tergeýden jasyrynǵandyqtan, halyqaralyq izdeýge jariialanǵan.
Biyl shildede kúdikti Grýziiada ustaldy. Keiin Qazaqstan Bas prokýratýrasynyń suraýy boiynsha elge ekstraditsiialandy.
Oǵan taǵylǵan aiyp boiynsha múlki tárkilenip, 10 jylǵa deiin bas bostandyǵynan aiyrý jazasy kózdelgen.
