Nvidia ديرەكتورلار كەڭەسٸ كومپانييانىڭ نەگٸزٸن قالاۋشىلاردىڭ بٸرٸ ەرٸ 1993 جىلدان بەرٸ باسقارىپ كەلە جاتقان 63 جاستاعى دجەنسەن حۋانگتىڭ بولاشاعىن تالقىلاۋعا دايىندالىپ جاتىر. بۇل تۋرالى The Wall Street Journal دەرەككٶزدەرٸنە سٸلتەمە جاساپ حابارلادى.
حۋانگ 33 جىل ٸشٸندە Nvidia-نى ۆيدەوكارتا ٶندٸرۋشٸسٸنەن جاساندى ينتەللەكت يندۋستريياسىنىڭ كٶشباسشىلارىنىڭ بٸرٸنە اينالدىردى. قازٸر كومپانييانىڭ نارىقتىق قۇنى 4 تريلليون دوللاردان اسادى. الايدا ونىڭ باسشىلىق قىزمەتٸ جەكە ٶمٸرٸنە قاتىستى جانجالدان كەيٸن قاۋٸپكە ۇشىرادى.
The New York Times باسىلىمى حۋانگتىڭ كومپانيياداعى تاعى بٸر جوعارى لاۋازىمدى قىزمەتكەرمەن نەكەدەن تىس قارىم-قاتىناستا بولعانى تۋرالى جازدى. ەڭگٸمە Nvidia-نىڭ دەنساۋلىق ساقتاۋ باعىتىنا جاۋاپتى ۆيتسە-پرەزيدەنتٸ كيمبەرلي پاۋەلل تۋرالى بولىپ وتىر. ول تٸكەلەي حۋانگقا باعىنىشتى بولعان. جۋرناليستەر كومپانييادا جۇمىس ٸستەگەن بەس اداممەن سٶيلەسٸپ, بۇل اقپاراتتى راستاعانىن مەلٸمدەدٸ.
جانجال قازان ايىندا باستالعان. سول كەزدە NYT حۋانگتىڭ بۇرىن سينگاپۋردىڭ Megaspeed كومپانيياسىندا باسشىلىق قىزمەت اتقارعان ەليس حۋانگ ەسٸمدٸ قىتايلىق ەيەلمەن بايلانىسى بولۋى مٷمكٸن ەكەنٸن جازعان. بۇل كومپانييا Nvidia-دان وزىق چيپتەر ساتىپ العان. ال اقش بيلٸگٸ ونى ەكسپورتتىق شەكتەۋلەردٸ اينالىپ ٶتٸپ, تەحنولوگييالاردى قىتايعا جەتكٸزۋگە كٶمەكتەستٸ دەپ كٷدٸكتەنگەن.
باسىلىم دەرەكتەرٸنە سەيكەس, امەريكالىق بارلاۋ قىزمەتتەرٸ ەليستٸڭ بەيجٸڭگە اقپارات جەتكٸزگەنٸن انىقتاعان. وسىدان كەيٸن حۋانگتىڭ شەتەلدٸك ارنايى قىزمەتتەردٸڭ ىقپالىنا تٷسۋٸ مٷمكٸن دەگەن كٷدٸك تە پايدا بولعان.
8 قاراشادا دجەنسەن حۋانگ ەيەلٸنە وپاسىزدىق جاساعانىن مويىنداپ, جۇبايىنان, بالالارىنان جەنە كومپانييا قىزمەتكەرلەرٸنەن كٶپشٸلٸك الدىندا كەشٸرٸم سۇرادى. Nvidia ديرەكتورلار كەڭەسٸ بۇل جاعدايعا بايلانىستى تەۋەلسٸز تەرگەۋ باستادى. وقيعاعا فبر دە قىزىعۋشىلىق تانىتقان.
سونىمەن قاتار كومپانييا اكتسيونەرلەرٸ Nvidia-عا قارسى سوتقا شاعىم تٷسٸردٸ. جانجال اياسىندا كومپانييانىڭ نارىقتىق قۇنى جٷزدەگەن ميلليارد دوللارعا تٶمەندەپ, اكتسييالارى قۇلدىرادى.
ال حۋانگتىڭ قىزمەتٸنەن كەتۋٸ مٷمكٸن ەكەنٸ تۋرالى اقپارات تاراعاننان كەيٸن Nvidia اكتسييالارى بيرجادان تىس ساۋدادا تاعى شامامەن 8 پايىزعا ارزانداعان.
