Qaskeleń qalasynda jalańash er adam mektep ǵimaratyna tereze arqyly kirip ketken. Oqiǵanyń videosy áleýmettik jelide tarady, dep habarlaidy ult.kz.
Oqiǵa sársenbi kúni Otarvanovka shaǵynaýdanyndaǵy Álimqulov atyndaǵy mektepte bolǵan. Jeli qoldanýshylary mektep ákimshiligi men jaýapty organdardan oqiǵanyń mán-jaiyn túsindirip, bilim ordasyndaǵy kúzet pen ǵimaratqa kirýdi baqylaý júiesiniń qalai uiymdastyrylǵanyn tekserýdi talap etti.
Almaty oblysynyń politsiia departamenti atalǵan derek boiynsha qylmystyq is qozǵalǵanyn habarlady. Kúdikti ustalyp, ýaqytsha ustaý izoliatoryna qamaldy.
Politsiianyń málimetinshe, oqýshylar men muǵalimder arasynda zardap shekkender joq. Qazir oqiǵanyń barlyq mán-jaiy anyqtalyp jatyr. Sonymen qatar tergeý aiasynda kúdiktiniń psihikalyq densaýlyǵyna qatysty saraptama taǵaiyndalady.
Aldyn ala málimet boiynsha, qylmystyq is «Buzaqylyq» baby boiynsha tergelip jatyr.
