Almatynyń Alataý aýdanynda eki er adam intimdik qyzmet kórsetýge ýáde bergen qyzǵa aldanyp qalǵanyn aityp, politsiiaǵa shaǵymdandy, dep habarlaidy ult.kz.
Qalalyq politsiia departamentiniń málimetinshe, jábirlenýshilerdiń aitýynsha, olar internetten intimdik qyzmet kórsetý týraly habarlandyrý taýyp, qyzben kezdesýge kelisken. Kezdesý qonaqúilerdiń birinde ótken.
Alaida kelisilgen aqshany alǵan qyz biraz ýaqytqa shyǵyp keletinin aityp, er adamdardan kúte turýdy suraǵan. Biraq sodan keiin ol qaita oralmaǵan.
Ózderin aldandyq dep sanaǵan er adamdar qyzdy óz betinshe izdeýge kirisken. Kóp uzamai ony shaǵyn azyq-túlik dúkenderiniń birinen taýyp, politsiia shaqyrǵan.
Oqiǵaǵa qatysýshylardyń barlyǵy aýdandyq politsiia basqarmasyna jetkizildi. Qazir bolǵan jaǵdaidyń mán-jaiy anyqtalyp jatyr. Taraptardyń árqaisysynyń áreketine quqyqtyq baǵa beriledi.
