Atyraýda «QazAvtoJol» AQ enshiles uiymynyń bas býhgalteri 34,8 mln teńge jymqyrǵany úshin bes jylǵa bas bostandyǵynan aiyryldy, dep habarlaidy ult.kz.
Bas prokýratýra málimetinshe, tekserý barysynda «QAJservis» JShS filialynda iri kólemde qarajat jymqyrý deregi anyqtalǵan.
Tergeý málimetinshe, bas býhgalter zańsyz tólemder eseptep, uiymnyń aqshasyn óziniń jeke banktik shotyna aýdaryp otyrǵan. Osylaisha, kompaniiaǵa 34,8 mln teńge kóleminde materialdyq zalal keltirilgen.
Atalǵan derek boiynsha sotqa deiingi tergep-tekserý júrgizildi. Atyraý qalasynyń №2 soty aiyptalýshyny kináli dep tanyp, bes jylǵa bas bostandyǵynan aiyrý jazasyn taǵaiyndady. Sonymen qatar ony bes jyl merzimge materialdyq jaýapkershilikke bailanysty qyzmetpen ainalysý quqyǵynan aiyrdy.
Sot «QAJservis» JShS-niń materialdyq zalaldy óndirý týraly azamattyq talabyn tolyq qanaǵattandyrdy.
Úkim ázirge zańdy kúshine engen joq.
