Ánshi Maqpal Júnisova jubaiy Zamanbek Nurqadilovti eske alyp, Kóktóbe meshitinde Quran oqytty. Óner iesi áleýmettik jelidegi paraqshasynda meshitten jazba bólisti, dep habarlaidy ult.kz.

“Kóktóbe meshitinde Asylhan qajymen. Oqytylǵan Quranymyzdy qabyl etsin”, – dep jazdy ánshi.

Búgin, 12 qarashada memleket jáne qoǵam qairatkeri Zamanbek Nurqadilovtiń ómirden ótkenine 21 jyl toldy. Ol 2005 jylǵy 12 qarashada Almatydaǵy úiinde qaza tapqan. 

Zamanbek Nurqadilov ár jyldary Almaty qalasy men Almaty oblysyn basqarǵan, Tótenshe jaǵdailar jónindegi agenttiktiń tóraǵasy qyzmetin atqarǵan. 
Aita keteiik, Maqpal Júnisova ádiletsizdikke ushyraǵanyn aitty. 

Maqpal Júnisova kim? 
 

Maqpal Júnisova — qazaq estradasynyń tanymal ánshisi, Qazaqstannyń halyq ártisi, Memlekettik syilyqtyń laýreaty. Tolyq aty-jóni — Maqpal Muhamediiarqyzy Júnisova. Ol 1964 jylǵy 11 qańtarda Qaraǵandy oblysynyń Terekti aýylynda dúniege kelgen.

Óner jolyn «Gúlder» ansamblinde bastaǵan. Keiin «Qazaqkontsert» birlestigi janynan «Nazerke» ansamblin uiymdastyrǵan. Onyń oryndaýyndaǵy «Ǵashyq júrek», «Qyz ǵumyr», «Fariza qyz», «Qoshtasý» ánderi tyńdarmanǵa keńinen tanys. Qýatty daýysy men ózindik oryndaý máneri arqyly qazaq sahnasynda erekshe oryn alǵan.

Ánshi 1994 jyly Qazaqstannyń halyq ártisi atanyp, 1999 jyly Memlekettik syilyqqa ie bolǵan.