«Million» komandasy arqyly tanylǵan ázilkesh, Túrkistan oblysy kúres federatsiiasynyń media salasy boiynsha vitse-prezidenti Mansar Orynhan otbasyna qatysty áńgimege jaýap berdi. Ol jubaiymen aradaǵy másele sheshilgenin aitty, dep habarlaidy ult.kz.

Mansardyń sózinshe, jubaiy renishin áleýmettik jelide bóliskennen keiin, otbasyndaǵy jaǵdai kópshiliktiń talqysyna túsken.

“Bizde bári durys, bári sheshildi. Jas otbasy bolǵan soń, ondai jaǵdailar bolyp turady. Áiel adam emotsiiaǵa berilip, renishin áleýmettik jelige jazǵan. Ony adamdar ári qarai órbitip jiberdi”, – dedi Mansar Orynhan.

Buǵan deiin onyń jubaiy Nuraiym Halila Instagram paraqshasynda kúieýiniń alty kún boiy úige qonbaǵanyn jáne ózin barlyq bailanys arnasynda buǵattap tastaǵanyn málimdegen edi. Onyń aitýynsha, mundai jaǵdai alǵash ret bolyp otyrǵan joq. Sondai-aq ol úsh balasymen turatyn baspanany ózderine qaldyrýdy surap, úiden ketpeitinin jetkizgen. 
Aita keteiik, Eldos “koloboktyń” uly bir jasqa toldy. 

Mansar Orynhan kim? 
 

Mansar Orynhan — qazaqstandyq ázilkesh, akter ári bloger. Kópshilikke «Jaidarman» oiyndaryndaǵy «Million» komandasynyń múshesi retinde tanylǵan. Áleýmettik jelide de belsendi.

2026 jyly Túrkistan oblysy kúres federatsiiasynyń media salasyna jaýapty vitse-prezidenti bolyp taǵaiyndaldy. Bul qyzmette kúresti nasihattaý, federatsiianyń aqparattyq jumysyn damytý jáne sporttyń qoǵamdaǵy bedelin arttyrý baǵytynda jumys isteitinin aitqan.

Jubaiy — Nuraiym Halila. Erli-zaiypty úsh bala tárbielep otyr.