Osydan eki jyl buryn Álserovter otbasy kópshilikke úlgili politsiia áýleti retinde tanystyrylǵan edi. «Qaiyrly tań, Qazaqstan» baǵdarlamasyna qatysqan erli-zaiypty Aslan men Arailym Álserovter jeti balasymen birge otbasylyq ómiri men qyzmet joly jaily áńgimelesken bolatyn, dep habarlaidy ult.kz.
Baǵdarlama barysynda Aslan Álserov eńbek jolyn 2008 jyly Almaty qalasynyń patrýldik politsiiasynda bastaǵanyn, al bolashaq jary Arailymmen dál sol qyzmette tanysqanyn aitqan. Ýaqyt óte kele áriptestik syilastyqqa, keiin berik otbasyǵa ulasqan.
Sol suhbatta Arailym Álserova joldasyn tańdaýynyń sebebin de bólisken edi.
«Kópshilik maǵan boiy uzyn, symbatty jigitti tańdadyń dep aityp jatady. Biraq men úshin eń bastysy – onyń sabyrly, salmaqty ári batyl minezi boldy. Osyndai qasietteri úshin tańdadym», – degen bolatyn ol.
Álserovter otbasy tek quqyq qorǵaý salasynda ǵana emes, sporttaǵy jetistikterimen de tanylǵan. Aslan Álserov grek-rim kúresimen ainalyssa, jubaiy Arailym Álserova djiý-djitsýdan Qazaqstannyń alty dúrkin chempiony atanǵan. Balalary da ata-anasynyń jolyn jalǵastyryp, djiý-djitsý, dziýdo jáne sambo sport túrlerinen halyqaralyq jarystarda top jaryp júrgen, al qyzdary sportpen qatar shyǵarmashylyqpen de ainalysady.
Baǵdarlamada olardyń úlken qyzy Erkejan Qaliaqparova ákesin talapshyl ári tártipti adam retinde sipattasa, anasynyń meiirimdiligi men qamqorlyǵyn erekshe atap ótken edi.
Eske salaiyq, qoǵamda úlken rezonans týdyrǵan aǵa jedel ýákil Aslan Álserovtiń qazasyna qatysty tergeý amaldary áli de jalǵasyp jatyr.
