وسىدان ەكٸ جىل بۇرىن ەلسەروۆتەر وتباسى كٶپشٸلٸككە ٷلگٸلٸ پوليتسييا ەۋلەتٸ رەتٸندە تانىستىرىلعان ەدٸ. «قايىرلى تاڭ, قازاقستان» باعدارلاماسىنا قاتىسقان ەرلٸ-زايىپتى اسلان مەن ارايلىم ەلسەروۆتەر جەتٸ بالاسىمەن بٸرگە وتباسىلىق ٶمٸرٸ مەن قىزمەت جولى جايلى ەڭگٸمەلەسكەن بولاتىن, دەپ حابارلايدى ult.kz.
باعدارلاما بارىسىندا اسلان ەلسەروۆ ەڭبەك جولىن 2008 جىلى الماتى قالاسىنىڭ پاترۋلدٸك پوليتسيياسىندا باستاعانىن, ال بولاشاق جارى ارايلىممەن دەل سول قىزمەتتە تانىسقانىن ايتقان. ۋاقىت ٶتە كەلە ەرٸپتەستٸك سىيلاستىققا, كەيٸن بەرٸك وتباسىعا ۇلاسقان.
سول سۇحباتتا ارايلىم ەلسەروۆا جولداسىن تاڭداۋىنىڭ سەبەبٸن دە بٶلٸسكەن ەدٸ.
«كٶپشٸلٸك ماعان بويى ۇزىن, سىمباتتى جٸگٸتتٸ تاڭدادىڭ دەپ ايتىپ جاتادى. بٸراق مەن ٷشٸن ەڭ باستىسى – ونىڭ سابىرلى, سالماقتى ەرٸ باتىل مٸنەزٸ بولدى. وسىنداي قاسيەتتەرٸ ٷشٸن تاڭدادىم», – دەگەن بولاتىن ول.
ەلسەروۆتەر وتباسى تەك قۇقىق قورعاۋ سالاسىندا عانا ەمەس, سپورتتاعى جەتٸستٸكتەرٸمەن دە تانىلعان. اسلان ەلسەروۆ گرەك-ريم كٷرەسٸمەن اينالىسسا, جۇبايى ارايلىم ەلسەروۆا دجيۋ-دجيتسۋدان قازاقستاننىڭ التى دٷركٸن چەمپيونى اتانعان. بالالارى دا اتا-اناسىنىڭ جولىن جالعاستىرىپ, دجيۋ-دجيتسۋ, دزيۋدو جەنە سامبو سپورت تٷرلەرٸنەن حالىقارالىق جارىستاردا توپ جارىپ جٷرگەن, ال قىزدارى سپورتپەن قاتار شىعارماشىلىقپەن دە اينالىسادى.
باعدارلامادا ولاردىڭ ٷلكەن قىزى ەركەجان قالياقپاروۆا ەكەسٸن تالاپشىل ەرٸ تەرتٸپتٸ ادام رەتٸندە سيپاتتاسا, اناسىنىڭ مەيٸرٸمدٸلٸگٸ مەن قامقورلىعىن ەرەكشە اتاپ ٶتكەن ەدٸ.
ەسكە سالايىق, قوعامدا ٷلكەن رەزونانس تۋدىرعان اعا جەدەل ۋەكٸل اسلان ەلسەروۆتٸڭ قازاسىنا قاتىستى تەرگەۋ امالدارى ەلٸ دە جالعاسىپ جاتىر.
