Jaqynda «Qurmet» ordenimen marapattalǵan tanymal ánshi Janar Aijanova qýanyshyn jaqyndary jáne ónerdegi áriptesterimen birge atap ótti. Óner iesi osy aitýly oqiǵaǵa orai arnaiy dastarqan jaiyp, merekelik kesh uiymdastyrdy, dep habarlaidy ult.kz.
Saltanatty jiynǵa jinalǵan qonaqtar ánshini memlekettik nagradasymen quttyqtap, jyly lebizderin bildirdi. Kesh barysynda óner iesine erekshe tosynsyi da ázirlengen.
Meiramhana qyzmetkerleri qazaqy dástúrge sai Janar Aijanovanyń ústine mata jaýyp, kópshilik kútpegen qonaqty ortaǵa alyp shyqty. Ol elge tanymal Nurlan imam bolyp shyqty.
Qonaqty kórgen ánshi qýanyshyn jasyra almai, tosynsyi uiymdastyrǵan jandarǵa rizashylyǵyn bildirdi.
Merekelik keshten taraǵan bul sát áleýmettik jeli qoldanýshylarynyń nazaryn aýdaryp, kópshilik arasynda talqyǵa tústi.
Aita keteiik, Aijuldyz Adaibekova 30 jasyn erekshe atap ótti.
Janar Aijanova kim?
Janar Aijanova – qazaqstandyq tanymal ánshi, aktrisa jáne telejúrgizýshi. Ol qazaq estradasy men teatr ónerinde ózindik orny bar óner ieleriniń biri. Kópshilikke ásem ánderimen, sahnadaǵy jarqyn beinesimen jáne ázil-syqaq janryndaǵy rólderimen tanylǵan.
Janar Aijanova uzaq jyldar boiy óner salasynda eńbek etip, túrli kontserttik baǵdarlamalar men televiziialyq jobalarǵa qatysty. Ánshilikpen qatar akterlik qabiletin de tanytyp, kórermenniń yqylasyna bólendi.
Janar Aijanova 1968 jyly Aqtóbe oblysy Shalqar aýdanynyń Tumalykól aýylynda dúniege kelgen. 1995 jyly Abai atyndaǵy Qazaq ulttyq pedagogikalyq ýniversitetiniń mýzyka fakýltetin támamdaǵan. Eńbek jolyn Shalqar aýdandyq mádeniet úiinde bastap, keiin Súiinbai atyndaǵy Almaty oblystyq filarmoniiasynda qyzmet atqarǵan. 1991–2000 jyldary «Adyrna» folklorlyq-etnografiialyq ansambliniń quramynda óner kórsetken. Keiin «Gúlder» ansamblinde shyǵarmashylyq jolyn jalǵastyrǵan. Onyń oryndaýyndaǵy «Men qazaq qyzdaryna qairan qalam», «Qobyzym», «Dostarym» siiaqty ánder tyńdarmanǵa tanys. Sonymen qatar «Otbasy», «Appaq kelin» jáne «Q-eli» jobalaryna qatysqan. 2020 jyly «Qazaqstannyń eńbek sińirgen qairatkeri» ataǵyn alǵan. Al 2026 jyly Respýblika kúni qarsańynda «Qurmet» ordenimen marapattaldy.
