Tanymal ánshi Gaýhar Álimbekovanyń toida án aityp turǵan videosy áleýmettik jelide qyzý talqyǵa tústi. Jeli qoldanýshylary óner iesiniń syrt kelbetindegi ózgeristerge nazar aýdaryp, túrli pikir bildirdi, dep habarlaidy ult.kz.

Áleýmettik jelide taraǵan beinejazbada Gaýhar Álimbekovanyń kópshilik aldynda án oryndap turǵanyn kórýge bolady. Alaida jeli qoldanýshylarynyń nazaryn ánshiniń ónerinen buryn syrt kelbeti aýdarǵan.

Kópshilik óner iesiniń burynǵy beinesimen salystyrǵanda ózgergenin aityp, ony birden tani almaǵandaryn jazǵan. Ásirese ánshiniń bet-álpetine qatysty pikirler kóbeigen.

«Qasyna ne bolǵan?», «Túri ózgerse de, daýysy ózgermegen», «Oibý, myna apama ne bolǵan?», «Shoshyp kettim ǵoi», «Tanymai qaldyq», – dep jazdy jeli qoldanýshylary.

Pikir bildirýshilerdiń arasynda ánshiniń daýysy men ónerine tánti bolǵandar da bar. Olar Gaýhar Álimbekovanyń syrt kelbeti ózgergenimen, erekshe daýysyn joǵaltpaǵanyn atap ótken.

Aita keteiik, Aigúl Imanbaeva qoǵamdaǵy qalyptasqan túsinikti synǵa aldy.

Gaýhar Álimbekova kim?

Gaýhar Álimbekova – qazaqstandyq ánshi, kompozitor ári aqyn. Ol qazaq estradasynda lirikalyq ánderimen tanylǵan óner ieleriniń biri. Ánshiniń shyǵarmashylyǵynda mahabbat, saǵynysh, adam taǵdyry men ómir týraly taqyryptar keńinen oryn alady.

Gaýhar Álimbekova kópshilikke «Kóńilim meniń» áni arqyly keńinen tanyldy. Ol án oryndaýmen qatar, mýzykalyq shyǵarmalar jazýmen de ainalysqan.

QazAqparat málimetinshe, Gaýhar Álimbekova 1971 jyly Túrkistan oblysynyń Maqtaaral aýdanynda dúniege kelgen. Toǵyzynshy synypta gitarada oinaýdy úirenip, alǵashqy «Saǵynysh sazy» ánin jazǵan. 1996 jyly jas kompozitorlardyń «Úkili úmit» baiqaýynda «Kórermen kózaiymy» júldesin ielengen. Onyń «Aq bosaǵa», «Kelinge ósiet», «Oralshy, mahabbat», «Kóktemge hat», «Qyz sezimi» siiaqty ánderi tyńdarmanǵa keńinen tanymal.

2019 jyly ánshi alaiaqtyq isi boiynsha bastapqyda alty jylǵa sottalǵanymen, keiin apelliatsiialyq sot onyń kinási dáleldenbegenin anyqtap, aqtaý úkimin shyǵarǵan.