Tanymal aktrisa Dariǵa Badyqova áleýmettik jelide jazba jariialap, ózgeniń jeke ómirine aralasyp, taǵdyryna qatysty pikir aitatyn adamdarǵa shúilikti, dep habarlaidy ult.kz.

Óner iesi Instagram paraqshasynda kópshiliktiń áreketine qatysty oiyn ashyq jetkizdi. Ol óz ómirindegi máselelerdi sheshpei turyp, ózgelerge aqyl aityp, olardyń taǵdyryna tórelik etetinderdi synǵa aldy.

«Óz ómirlerińdi jónge keltire almai júrip, bireýdiń ómirine tórelik aitatyn sender kimsińder?! Qudaidyń aldyna baryp, kimniń taǵdyry qalai bolatynyn kórip kelgendei sóileitinderińdi qoiyńdar!» – dep jazdy aktrisa.

Dariǵa Badyqova jazbasynyń astynda oqyrmandaryna da ún qatqan. Ol barsha jurtty birdei kinálamaitynyn aityp, ózin qoldaityn aýditoriiasynyń bar ekenin ańǵartty.

«Kópke topyraq shashpaimyn! Meniń kóp oqyrmandarym sapaly. Arasynda bar adasyp kelgender!» – dedi óner iesi.

Aktrisanyń bul jazbasy onyń jeke ómirine qatysty aitylyp júrgen pikirlerge jaýap retinde qabyldanýy múmkin. Alaida Dariǵa Badyqova naqty kimge nemese qandai jaǵdaiǵa bailanysty mundai málimdeme jasaǵanyn ashyp aitpaǵan.

Aita keteiik, Dariǵa Badyqovanyń eks-kúieýi aqsha týraly sóz qozǵady.

Dariǵa Badyqova kim?

Dariǵa Badyqova – qazaqstandyq tanymal teatr jáne kino aktrisasy, prodiýser. Ol 1982 jyly 21 mamyrda dúniege kelgen. Óner jolyn teatr sahnasynan bastap, keiin kino salasynda keńinen tanyldy.

Aktrisa «Kelinjan» telehikaiasyndaǵy róli arqyly kórermen yqylasyna bólendi. Sondai-aq «Taptym-aý seni» romantikalyq komediiasynda basty rólderdiń birin somdap, filmniń prodiýseri retinde de eńbek etti.

Dariǵa Badyqova shyǵarmashylyǵymen qatar, áleýmettik jelidegi ashyq pikirleri jáne jeke ómirine qatysty jariialanymdary arqyly da kópshiliktiń nazarynda júr.