Ánshi Tolqyn Zabirovanyń úlken uly Shahriiar Babaev súiiktisi Sara Shaketke úilenýge usynys jasaǵan. Áleýmettik jelide King Sarah esimimen tanylǵan bloger qýanyshty jańalyǵyn oqyrmandarymen bólisti, dep habarlaidy ult.kz.
Bloger súiiktisi syilaǵan saqinany kórsetti
Sara Shaket Instagram paraqshasynda Shahriiarmen birge túsken romantikalyq sýretterin jariialady. Kadrlardan blogerdiń qolyndaǵy saqinany kórýge bolady. Osylaisha, ol súiiktisiniń usynysyn qabyl alǵanyn kópshilikke jetkizdi.
Bloger jariialanymyna aǵylshyn tilinde "You will always be the one that I choose" dep jazǵan. Qazaqsha maǵynasy – "Men árqashan seni tańdaimyn".
Sondai-aq jazbada 2026 jyldyń 18 qazany kórsetilip, saqina belgisi qoiylǵan. Bul jańalyqty kórgen jeli qoldanýshylary qos ǵashyqty quttyqtap, baqyt tiledi.
Aita keteiik, Sara men Shahriiardyń qarym-qatynasy buǵan deiin de jurt nazarynda bolǵan. Ekeýi birge suhbat berip, jeke ómirleri men aldaǵy josparlary týraly áńgimelegen.
Áleýmettik jelide King Sarah laqap atymen tanylǵan Sara Shaket endi belgili ánshi Tolqyn Zabirovanyń kelini atanbaq.
Sara Shaket kim?
Sara Shaket – áleýmettik jelide @kiingsarah esimimen tanylǵan qazaqstandyq bloger ári infliýenser. Ol 2002 jyly 14 aqpanda Almaty qalasynda dúniege kelgen. Qazir 24 jasta. Mektepti "Altyn belgimen" támamdap, UIB ýniversitetine grantpen oqýǵa túsken. Alaida birinshi kýrstan keiin blogerlikpen kásibi túrde ainalysý úshin oqýyn toqtatqan.
Sara áleýmettik jelidegi qyzmetin 2017 jyly bastap, sán, sulýlyq, saiahat jáne kúndelikti ómiri týraly kontent jariialaý arqyly tanylǵan. Alǵashqy YouTube videosy eki apta ishinde 100 myń qaralym jinaǵan. Bloger zańgerler otbasynda óskenin jáne ata-anasynyń shyǵarmashylyq jolyn tańdaýǵa qoldaý bildirgenin aitqan.
Sondai-aq ol KingDrink sýsyn brendiniń negizin qalaýshy retinde belgili.
Tolqyn Zabirova kim?
Tolqyn Qaliqyzy Zabirova – qazaqstandyq estrada jáne opera ánshisi, Qazaqstannyń eńbek sińirgen qairatkeri. Ol 1970 jyly 17 qazanda burynǵy Semei oblysynyń Aiagóz qalasynda dúniege kelgen.
Ónerge bala kezinen qyzyǵyp, alǵashqy mýzykalyq bilimin týǵan qalasynda alǵan. 1979 jyly Ahmet Jubanov atyndaǵy respýblikalyq mýzyka mektebine oqýǵa túsken. Keiin Qurmanǵazy atyndaǵy memlekettik konservatoriiada áigili ánshi Bibigúl Tólegenovanyń shákirti bolyp, 1993 jyly oqýyn úzdik aiaqtaǵan. 1993-1995 jyldary Jambyl atyndaǵy Qazaq memlekettik filarmoniiasynda ánshi bolyp qyzmet atqarǵan.
1996 jyly Kaliningradta ótken "Iantarnyi solovei" halyqaralyq baiqaýynyń laýreaty atanǵan. 2008 jyly oǵan "Qazaqstannyń eńbek sińirgen qairatkeri" qurmetti ataǵy berilgen.
Ol ónertaný ǵylymdarynyń kandidaty, professor retinde shákirt tárbieleýmen de ainalysady.
Ánshi joldasy Safar Babaevpen birge Shahriiar, Diar jáne Sanjar esimdi úsh ul tárbielep ósirgen
