Áleýmettik jelide ózin Olga Muhamedjanova dep tanystyrǵan Ekibastuz turǵynynyń videosy tarady. Beinejazbada áiel Resei prezidenti Vladimir Pýtinge úndeý jasap, Qazaqstanǵa ásker kirgizýge shaqyrǵan, dep habarlaidy ult.kz.
Onyń sózinshe, bul «ár qazaq óziniń qojaiyny – orys ekenin bilýi úshin» qajet. Sondai-aq áiel Qazaqstandaǵy qazaqtardyń daýys berý quqyǵy joq ekenin aityp, «Resei bul qalalardy qaitaryp alady» degen málimdeme jasaǵan.
Zańger Meiirman Shekeev bul videoǵa quqyqtyq baǵa berýdi talap etti. Ol Bas prokýratýrany, Ishki ister ministrligin jáne Ulttyq qaýipsizdik komitetin atalǵan málimdemelerge qatysty tekserý júrgizýge shaqyrdy.
Zańger QR Qylmystyq kodeksiniń 174-babynda kózdelgen ultaralyq alaýyzdyqty qozdyrý jáne 180-babynda qarastyrylǵan separatistik áreketter belgileriniń bar-joǵyn anyqtaýdy usyndy. Sondai-aq aitylǵan sózderge quqyqtyq baǵa berý úshin filologiialyq-lingvistikalyq saraptama taǵaiyndaý qajettigin atap ótti.
