Astanadaǵy balabaqshalardyń birinde bir jarym jastaǵy búldirshin ystyq sorpaǵa kúiip, úshinshi dárejeli jaraqat alǵan. Áleýmettik jelide taraǵan málimetke sáikes, kúiik balanyń denesiniń 10 paiyzyn qamtyǵan. Qazir sábi úi jaǵdaiynda em qabyldap jatyr, dep habarlaidy ult.kz.
Balanyń anasynyń aitýynsha, oqiǵadan keiin balabaqsha ákimshiligi beinebaqylaý kameralaryndaǵy jazbalardy berýden bas tartqan. Sondai-aq mekeme ókilderi bolǵan jaǵdaiǵa qatysty jaýapkershilikti moiyndamai otyrǵan kórinedi. Anasy osyǵan bailanysty politsiia men memlekettik organdarǵa shaǵym túsirgen.
Politsiianyń málimetinshe, balanyń qaýipsizdigin qamtamasyz etý mindetin tiisinshe oryndamaý deregi boiynsha qylmystyq is qozǵaldy.
Qazirgi ýaqytta oqiǵaǵa qatysty beinejazbalar tárkilenip, zerttelip jatyr. Tergeý nátijesinde oqiǵanyń mán-jaiy men oǵan jaýapty tulǵalardyń áreketine quqyqtyq baǵa beriledi.
