Jýyrda ómirden ótken zańger Ǵabit Ómirbektiń jubaiy Naǵima áleýmettik jelide marqum kúieýin eske alyp, jan tebirenterlik jazba jariialady, dep habarlaidy ult.kz.

Ol Threads jelisindegi paraqshasynda kúieýimen birge túsken sýretterin bólisip, onyń qazasyn áli kúnge deiin qabyldai almai júrgenin jetkizdi. Jubaiyn saǵynǵan kelinshek birge ótkizgen baqytty kúnderin eske alyp, úsh uly úshin alǵysyn bildirdi.

«Súiikti Ǵabitim… Seniń endi janymda joq ekenińe áli kúnge deiin sene alar emespin. Daýsyńdy taǵy bir ret estip, ózińdi qushaqtap, birge ótkizgen ómirimizdiń bir sátin bolsa da qaita oraltqym keledi. Maǵan syilaǵan mahabbatyń, baqytty jyldarymyz jáne ómirimizdegi eń qymbat bailyǵymyz – úsh ulymyz úshin saǵan alǵysym sheksiz», – dep jazdy ol.

Naǵima jazbasynyń sońynda marqum kúieýiniń júreginde máńgi saqtalatynyn aityp, saǵynyshyn jetkizdi.

«Sen máńgi júregimniń bir bólshegi bolyp qalasyń. Bizdiń júregimizde máńgi ómir súresiń. Seni súiemin. Esimnen bir sát te shyǵarmaimyn. Sheksiz saǵynamyn… Janyń jánnatta bolsyn, janym», – dep jazdy marqumnyń jubaiy.

Jazbaǵa jeli qoldanýshylary pikir qaldyryp, otbasyna kóńil aityp jatyr.

Aita keteiik, Rýslan Ótepbai qaiǵyly jaitty jetkizdi.

Ǵabit Ómirbek kim bolǵan?

Eske salaiyq, belgili advokat Ǵabit Ómirbektiń qaitys bolǵany 24 qazanda belgili boldy. Qaraly habardy jýrnalist Irina Sovetjan áleýmettik jelide jariialap, zańgerdiń qazasy týraly ózine marqumnyń ápkesi habarlaǵanyn aitqan. 

Ǵabit Ómirbek «Lawyer 888» halyqaralyq zańgerlik kompaniiasynyń bas direktory bolǵan. Ol prokýratýra organdarynda segiz jyl qyzmet atqaryp, keiin advokattyq qyzmetpen ainalysqan. Ásirese áskerdegi álimjettik, jol-kólik oqiǵalary jáne alaiaqtyqtan zardap shekken azamattardyń quqyqtaryn qorǵaýymen tanylǵan.