جۋىردا ٶمٸردەن ٶتكەن زاڭگەر عابيت ٶمٸربەكتٸڭ جۇبايى ناعيما ەلەۋمەتتٸك جەلٸدە مارقۇم كٷيەۋٸن ەسكە الىپ, جان تەبٸرەنتەرلٸك جازبا جارييالادى, دەپ حابارلايدى ult.kz.

ول Threads جەلٸسٸندەگٸ پاراقشاسىندا كٷيەۋٸمەن بٸرگە تٷسكەن سۋرەتتەرٸن بٶلٸسٸپ, ونىڭ قازاسىن ەلٸ كٷنگە دەيٸن قابىلداي الماي جٷرگەنٸن جەتكٸزدٸ. جۇبايىن ساعىنعان كەلٸنشەك بٸرگە ٶتكٸزگەن باقىتتى كٷندەرٸن ەسكە الىپ, ٷش ۇلى ٷشٸن العىسىن بٸلدٸردٸ.

«سٷيٸكتٸ عابيتٸم… سەنٸڭ ەندٸ جانىمدا جوق ەكەنٸڭە ەلٸ كٷنگە دەيٸن سەنە الار ەمەسپٸن. داۋسىڭدى تاعى بٸر رەت ەستٸپ, ٶزٸڭدٸ قۇشاقتاپ, بٸرگە ٶتكٸزگەن ٶمٸرٸمٸزدٸڭ بٸر سەتٸن بولسا دا قايتا ورالتقىم كەلەدٸ. ماعان سىيلاعان ماحابباتىڭ, باقىتتى جىلدارىمىز جەنە ٶمٸرٸمٸزدەگٸ ەڭ قىمبات بايلىعىمىز – ٷش ۇلىمىز ٷشٸن ساعان العىسىم شەكسٸز», – دەپ جازدى ول.

ناعيما جازباسىنىڭ سوڭىندا مارقۇم كٷيەۋٸنٸڭ جٷرەگٸندە مەڭگٸ ساقتالاتىنىن ايتىپ, ساعىنىشىن جەتكٸزدٸ.

«سەن مەڭگٸ جٷرەگٸمنٸڭ بٸر بٶلشەگٸ بولىپ قالاسىڭ. بٸزدٸڭ جٷرەگٸمٸزدە مەڭگٸ ٶمٸر سٷرەسٸڭ. سەنٸ سٷيەمٸن. ەسٸمنەن بٸر سەت تە شىعارمايمىن. شەكسٸز ساعىنامىن… جانىڭ جەنناتتا بولسىن, جانىم», – دەپ جازدى مارقۇمنىڭ جۇبايى.

جازباعا جەلٸ قولدانۋشىلارى پٸكٸر قالدىرىپ, وتباسىنا كٶڭٸل ايتىپ جاتىر.

ايتا كەتەيٸك, رۋسلان ٶتەپباي قايعىلى جايتتى جەتكٸزدٸ.

عابيت ٶمٸربەك كٸم بولعان?

ەسكە سالايىق, بەلگٸلٸ ادۆوكات عابيت ٶمٸربەكتٸڭ قايتىس بولعانى 24 قازاندا بەلگٸلٸ بولدى. قارالى حاباردى جۋرناليست يرينا سوۆەتجان ەلەۋمەتتٸك جەلٸدە جارييالاپ, زاڭگەردٸڭ قازاسى تۋرالى ٶزٸنە مارقۇمنىڭ ەپكەسٸ حابارلاعانىن ايتقان. 

عابيت ٶمٸربەك «Lawyer 888» حالىقارالىق زاڭگەرلٸك كومپانيياسىنىڭ باس ديرەكتورى بولعان. ول پروكۋراتۋرا ورگاندارىندا سەگٸز جىل قىزمەت اتقارىپ, كەيٸن ادۆوكاتتىق قىزمەتپەن اينالىسقان. ەسٸرەسە ەسكەردەگٸ ەلٸمجەتتٸك, جول-كٶلٸك وقيعالارى جەنە الاياقتىقتان زارداپ شەككەن ازاماتتاردىڭ قۇقىقتارىن قورعاۋىمەن تانىلعان.