Qazaqstanda inkliýzivti bilim alýǵa tiis 237 myńnan astam bala bar. Osyǵan bailanysty erekshe bilim berý qajettiligi bar balalarǵa arnalǵan infraqurylymdy damytý, maman tapshylyǵyn azaitý jáne diagnozdy erte anyqtaý jumystary kúsheitilýi kerek. Bul týraly Prezident Qasym-Jomart Toqaev málimdedi., dep habarlaidy ult.kz.
Memleket basshysy inkliýzivti bilim berý máselesine airyqsha nazar aýdarý qajettigin atap ótti. Onyń aitýynsha, sońǵy jyldary erekshe qajettiligi bar balalardyń sany artyp keledi. Sondyqtan bul baǵyttaǵy jumystar júieli júrgizilýge tiis.
«Sondyqtan Úkimet ákimdermen birlesip, osy salaǵa qatysty infraqurylymdy damytýǵa tiis. Aýqymdy qurylysty júrgizý kezinde bul baǵyt nazardan tys qalmaýy qajet», – dedi Prezident.
Sonymen qatar Qasym-Jomart Toqaev erekshe bilim berý qajettiligi bar balalarmen jumys isteitin mamandardyń tapshylyǵyn azaitý jáne olardyń diagnozyn erte jastan anyqtaý máselesine toqtaldy. Memleket basshysy bul baǵyttaǵy jumystardy júieli túrde júrgizý kerektigin aitty.
Prezident «Qazaqstan halqyna» qorynyń da osy iske belsendi atsalysýy mańyzdy ekenin atap ótti. Onyń sózinshe, inkliýzivti bilim berý infraqurylymyn damytý men qajetti mamandarmen qamtamasyz etý erekshe qajettiligi bar balalarǵa sapaly bilim alýǵa múmkindik jasaý úshin mańyzdy.
