Prezident Qasym-Jomart Toqaev Qazaqstannyń qarjy júiesi ornyqty ekenin aityp, endigi mindet – jinaqtalǵan qarajatty ekonomikanyń naqty sektoryn damytýǵa jumyldyrý ekenin atap ótti, dep habarlaidy ult.kz.
Memleket basshysynyń málimetinshe, elimizdegi bankterdiń aktivi 75 trillion teńgeden asqan. Al depozit kólemi rekordtyq deńgeige jetip, 52 trillion teńgeni qurady. Salymdardyń 78 paiyzy ulttyq valiýtada saqtalǵan. Prezident muny teńgege degen senimniń artýyn kórsetetin belgi retinde atady.
Sonymen qatar Qasym-Jomart Toqaev qarjy naryǵyn retteýshi organdardyń jumysyn tiimdi júrgizý qajettigin eske saldy. Onyń aitýynsha, Ulttyq bank baǵa men qarjy turaqtylyǵyn qamtamasyz etýmen shektelmei, ekonomikanyń damýyna serpin beretin bastamalardy júzege asyrýǵa da atsalysýy kerek.
