Prezident Qasym-Jomart Toqaev árbir iri qalanyń orta jáne uzaq merzimdi damý jospary bolýy keregin málimdedi. Memleket basshysy Úkimetke qala infraqurylymynyń tsifrlyq syńaryn ázirleýdi de tapsyrdy, dep habarlaidy ult.kz.
Qazaqstan halqyna Joldaýynda Prezident aýyl-aimaqtardy damytý máselesi árdaiym nazarda ekenin atap ótti. Degenmen, onyń aitýynsha, qazirgi kezde ekonomika, bilim men tehnologiianyń damýyna serpin beretin, talanttardy shyńdaityn negizgi ortalyqtar – iri qalalar.
«Qýatty qalalar qýatty aimaqtardyń, al qýatty aimaqtar kúshti memlekettiń negizin qalaidy», – dedi Qasym-Jomart Toqaev.
Memleket basshysy árbir iri qalanyń damýy júieli josparǵa súienýge tiis ekenin aitty. Osyǵan bailanysty Úkimet ákimdiktermen birlesip, qala infraqurylymynyń tsifrlyq syńaryn ázirleýi qajet.
Prezident qalalardyń qaýipsiz, jaily ári kórikti bolýyn basym mindetterdiń biri retinde belgiledi. Bul baǵyttaǵy jumystar «Taza Qazaqstan» jalpyulttyq tujyrymdamasynyń talaptaryna sai júrgizilýge tiis.
Toqaevtyń pikirinshe, qalalardyń qarqyndy damýy tutas óńirdiń ekonomikasyna oń áser etip, halyqtyń áleýetin arttyrýǵa múmkindik beredi.
