Prezident Qasym-Jomart Toqaev Quryltai otyrysynda «Jańa tarihi kezeńdegi Qazaqstannyń ózekti mindetteri» atty Qazaqstan halqyna Joldaýyn jariialap jatyr, dep habarlaidy ult.kz.
Konstitýtsiianyń 46-babyna sáikes, Memleket basshysy eldegi jaǵdai men Qazaqstannyń ishki jáne syrtqy saiasatynyń negizgi baǵyttary týraly halyqqa Joldaý arnaidy.
Mańyzdy saiasi is-sharaǵa Quryltai depýtattary, Úkimet pen Qazaqstan Halyq Keńesiniń músheleri, ortalyq jáne jergilikti memlekettik organdardyń basshylary, qoǵam ókilderi men eńbek adamdary qatysyp jatyr.
Joldaýdy respýblikalyq telearnalardan jáne Aqordanyń áleýmettik jelilerdegi resmi paraqshalarynan tikelei efirde kórýge bolady. Transliatsiia Jibek Joly telearnasynyń efiri men YouTube arnasynda, sondai-aq Kazinform aqparat agenttiginiń saitynda kórsetilip jatyr. Joldaýdyń tolyq mátini agenttiktiń Telegram-arnasynda da jariialanady.
Eske salaiyq, Memleket basshysy Qasym-Jomart Toqaev VI Dúniejúzilik kóshpendiler oiyndarynyń jeńimpazdaryn marapattaý rásiminde qazan aiynda halyqqa Joldaý jasap, eldiń aldaǵy damý josparlaryn aiqyndaitynyn aitqan edi.
Byltyr Prezident «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty Joldaýyn jariialaǵan bolatyn.
