Soltústik Qazaqstan oblysynyń Petropavl qalasynda belgisiz suiyqtyqtan ýlanyp, aýrýhanaǵa túsken úshinshi er adam qaitys boldy, dep habarlaidy ult.kz.
KTK telearnasynyń málimetinshe, 75 jastaǵy zeinetker segiz kún boiy jansaqtaý bóliminde jatqan. Dárigerler onyń ómirin saqtap qalý úshin bar kúshin salǵanymen, naýqastyń jaǵdaiy tym aýyr bolǵan. Ol ókpeni jasandy jeldetý apparatyna qosylǵan.
Qazirgi ýaqytta marqumdar ishken bótelkedegi suiyqtyqqa saraptama júrgizilip jatyr. Oqiǵanyń mán-jaiyn anyqtaý úshin tergeý amaldary jalǵasýda.
Eske salaiyq, buǵan deiin Petropavlda belgisiz suiyqtyq ishken eki er adamnyń qaitys bolǵany habarlanǵan edi. Keiin belgili bolǵandai, olar bótelkeni qoqys jáshikteriniń arasynan taýyp alǵan.
