Qazaqstanǵa Tailandtan 17 keli esirtki ákelgen 20 jastaǵy shetel azamaty 16 jylǵa sottaldy. Tergeý barysynda onyń el aýmaǵynda esirtkini zańsyz taratý arnalaryn paidalanýdy josparlaǵany anyqtalǵan, dep habarlaidy ult.kz.
Polisia.kz portalynyń habarlaýynsha, sheteldik azamat jedel-izdestirý sharalary kezinde ustalǵan. Odan 17 keli esirtki tárkilengen.
Tergeý málimetine sáikes, kúdikti Tailandtan jetkizgen esirtki partiiasyn Qazaqstanda zańsyz ainalymǵa engizýdi kózdegen. Sot ony kináli dep tanyp, 16 jylǵa bas bostandyǵynan aiyrý jazasyn taǵaiyndady.
Osyǵan bailanysty politsiia azamattardy beitanys adamdardyń ótinishimen belgisiz zattardy saqtaýdan nemese tasymaldaýdan saq bolýǵa shaqyrady.
Esirtki qylmysyna qarsy is-qimyl basqarmasynyń bastyǵy Farabi Elýbaevtyń aitýynsha, aqshalai syiaqy usynylsa da, bógde adamdardan sálemdeme, paket nemese basqa da zattardy qabyldap, tasymaldaýǵa kelispeý kerek. Mundai áreket adamnyń qylmystyq iske qatysy bar tulǵa retinde jaýapqa tartylýyna ákelýi múmkin.
Aita keteiik, jyl basynan beri Kóliktegi politsiia departamenti Astana men Almaty áýejailarynda esirtki kontrabandasynyń 27 deregin anyqtap, jolyn kesken. Zańsyz ainalymnan bir rettik 180 myń dozaǵa jýyq esirtkige teń keletin 98 keli zat tárkilengen.
