قازاقستانعا تايلاندتان 17 كەلٸ ەسٸرتكٸ ەكەلگەن 20 جاستاعى شەتەل ازاماتى 16 جىلعا سوتتالدى. تەرگەۋ بارىسىندا ونىڭ ەل اۋماعىندا ەسٸرتكٸنٸ زاڭسىز تاراتۋ ارنالارىن پايدالانۋدى جوسپارلاعانى انىقتالعان, دەپ حابارلايدى ult.kz.
Polisia.kz پورتالىنىڭ حابارلاۋىنشا, شەتەلدٸك ازامات جەدەل-ٸزدەستٸرۋ شارالارى كەزٸندە ۇستالعان. ودان 17 كەلٸ ەسٸرتكٸ تەركٸلەنگەن.
تەرگەۋ مەلٸمەتٸنە سەيكەس, كٷدٸكتٸ تايلاندتان جەتكٸزگەن ەسٸرتكٸ پارتيياسىن قازاقستاندا زاڭسىز اينالىمعا ەنگٸزۋدٸ كٶزدەگەن. سوت ونى كٸنەلٸ دەپ تانىپ, 16 جىلعا باس بوستاندىعىنان ايىرۋ جازاسىن تاعايىندادى.
وسىعان بايلانىستى پوليتسييا ازاماتتاردى بەيتانىس ادامداردىڭ ٶتٸنٸشٸمەن بەلگٸسٸز زاتتاردى ساقتاۋدان نەمەسە تاسىمالداۋدان ساق بولۋعا شاقىرادى.
ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى فارابي ەلۋباەۆتىڭ ايتۋىنشا, اقشالاي سىياقى ۇسىنىلسا دا, بٶگدە ادامداردان سەلەمدەمە, پاكەت نەمەسە باسقا دا زاتتاردى قابىلداپ, تاسىمالداۋعا كەلٸسپەۋ كەرەك. مۇنداي ەرەكەت ادامنىڭ قىلمىستىق ٸسكە قاتىسى بار تۇلعا رەتٸندە جاۋاپقا تارتىلۋىنا ەكەلۋٸ مٷمكٸن.
ايتا كەتەيٸك, جىل باسىنان بەرٸ كٶلٸكتەگٸ پوليتسييا دەپارتامەنتٸ استانا مەن الماتى ەۋەجايلارىندا ەسٸرتكٸ كونترابانداسىنىڭ 27 دەرەگٸن انىقتاپ, جولىن كەسكەن. زاڭسىز اينالىمنان بٸر رەتتٸك 180 مىڭ دوزاعا جۋىق ەسٸرتكٸگە تەڭ كەلەتٸن 98 كەلٸ زات تەركٸلەنگەن.
