Prezident Qasym-Jomart Toqaev kelesi jyldy «Jalpyhalyqtyq aýqymdy qurylys jyly» dep jariialaýdy usyndy. Bastama aiasynda elimizdiń barlyq óńirinde áleýmettik jáne azamattyq infraqurylym nysandaryn salý men jańǵyrtý kózdelip otyr, dep habarlaidy ult.kz.
Memleket basshysynyń aitýynsha, oblys ortalyqtary men aýdandarda, tipti shaǵyn eldi mekenderde de joldar, áýejailar, vokzaldar jáne meditsinalyq mekemeler salýǵa basymdyq berilýi kerek. Sondai-aq erekshe qajettiligi bar balalarǵa arnalǵan ońaltý ortalyqtaryn ashý josparlanýy qajet.
"Barlyq aimaqta shyǵarmashylyq úileri, sport keshenderi, kitaphanalar jáne ǵylymi ortalyqtar boi kóterýi kerek. Árine, turǵyn úi salý da mańyzdy mindet bolyp qala beredi", dedi Prezident.
Prezident bul bastamalardyń barlyǵy halyqtyń ál-aýqatyn arttyrýǵa jáne óskeleń urpaqtyń bolashaǵyna jaǵdai jasaýǵa baǵyttalǵanyn atap ótti. Konstitýtsiiada halyqtyń turmys sapasyn jaqsartý memlekettiń strategiialyq basymdyǵy retinde belgilengenin eske saldy.
