پرەزيدەنت قاسىم-جومارت توقاەۆ قازاقستاننىڭ قارجى جٷيەسٸ ورنىقتى ەكەنٸن ايتىپ, ەندٸگٸ مٸندەت – جيناقتالعان قاراجاتتى ەكونوميكانىڭ ناقتى سەكتورىن دامىتۋعا جۇمىلدىرۋ ەكەنٸن اتاپ ٶتتٸ, دەپ حابارلايدى ult.kz.
مەملەكەت باسشىسىنىڭ مەلٸمەتٸنشە, ەلٸمٸزدەگٸ بانكتەردٸڭ اكتيۆٸ 75 تريلليون تەڭگەدەن اسقان. ال دەپوزيت كٶلەمٸ رەكوردتىق دەڭگەيگە جەتٸپ, 52 تريلليون تەڭگەنٸ قۇرادى. سالىمداردىڭ 78 پايىزى ۇلتتىق ۆاليۋتادا ساقتالعان. پرەزيدەنت مۇنى تەڭگەگە دەگەن سەنٸمنٸڭ ارتۋىن كٶرسەتەتٸن بەلگٸ رەتٸندە اتادى.
سونىمەن قاتار قاسىم-جومارت توقاەۆ قارجى نارىعىن رەتتەۋشٸ ورگانداردىڭ جۇمىسىن تيٸمدٸ جٷرگٸزۋ قاجەتتٸگٸن ەسكە سالدى. ونىڭ ايتۋىنشا, ۇلتتىق بانك باعا مەن قارجى تۇراقتىلىعىن قامتاماسىز ەتۋمەن شەكتەلمەي, ەكونوميكانىڭ دامۋىنا سەرپٸن بەرەتٸن باستامالاردى جٷزەگە اسىرۋعا دا اتسالىسۋى كەرەك.
