Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin bilim berý platformalarynyń úzdigi básekelestik tártibimen anyqtalatyndyǵyn aitty, dep habarlaidy QazAqparat.
«Koronavirýstyq pandemiia kezinde bilim berý mekemeleri qashyqtan oqytýdyń qiyn jaǵdailaryn qabyldaýǵa májbúr. Biraq bul másele básekelestik arasynda sheshilýi tiis. Bilim berý ministrligi osyndai sheshimge keldi jáne biz ony qoldaimyz. Básekelestik túrde qazirgi kezde 13 platforma jumys istep kele jatyr. Jalpy, solardyń arasyndaǵy básekelestik sheshedi. Qaisysy naryqta jaqsy qyzmet kórsetse, sol platformalardyń qyzmetin oqýshylarǵa deiin jetkizemiz», - dedi ministr tsifrlandyrý taqyryby boiynsha Senatta ótken Úkimet saǵatynda.
Onyń sózine qaraǵanda, tsifrlyq kontentti damytý qajet. Osy oraida tsifrlyq oqýlyqtarǵa kóshýge ekpin qoiǵan jón.
Budan bólek, áleýmettik qatynastar salasyn tsifrlandyrý aiasynda búginde mynadai is-sharalar belsendi pysyqtalýda. Olar: áleýmettik tólemder úshin ID ámiian jasaý; zeinetaqy men áleýmettik tólemderdi avtomatty túrde esepteý; otbasynyń tsifrlyq kartasy; áleýmettik tólemderdiń biryńǵai tizilimi; eńbek sharty men eńbek kitapshalaryn onlain nusqaǵa kóshirý.
Budan buryn habarlanǵandai, ministr elimizde internettiń sapasyna qatysty túsinik berdi.
«Nege internet álsiz? Buǵan qatysty birneshe sebep bar. Birinshiden, bizde internet sapasy boiynsha qatań zańnamalyq talaptar joq. Ekinshiden, telekommýnikatsiia jelisiniń 90 paiyzy radiorelelik jelide jáne áýe bailanys arnalary boiynsha salynǵan», - dedi Baǵdat Mýsin.
