Tanymal ánshi Tóreǵali Tóreáliniń jubaiy Tolqyn áleýmettik jelidegi paraqshasynda erekshe qyzy Káýsar týraly áserli jazba jariialady, dep habarlaidy Ult.kz, Sn.kz-ke silteme jasap.
Onyń aitýynsha, tuńǵysh qyzy dúniege kelgennen keiin ómirge degen kózqarasy túbegeili ózgergen.
«Óz-ózime suraq qoidym. Meditsinadan basqa eshteńe kómektespese, men osyndai balamen qalai ómir súremin? Káýsar dúniege kelgeni Tolqyndy 360 gradýsqa ózgertti. Qazirgi Tolqynnyń jolyn bastap bergen sol Káýsar desem qatelespeimin», - dedi ol.
Tolqyn alǵashynda qyzynyń diagnozyn qabyldaý ońai bolmaǵanyn jasyrmady.
«Eń birinshiden, Káýsar dúniege kelgennen bastap men shaǵymdanbaýdy úirendim. Bastapqy ýaqytta qiyn boldy. Qabyldamaý, qarsylyq boldy. “Meniń ondai bala týýym múmkin emes. Meniń balamnyń diagnozynyń bar bolýyna men laiyqty emespin” degen úlken qarsylyq boldy. Biraq ýaqyt óte qabyldadym. Qabyldaý meniń damýyma, bilim alýyma áser etti», - dep jazdy ol.
Onyń sózinshe, alǵashqy bes jyl boiy otbasynyń bar nazary qyzdyń em-domyna baǵyttalǵan.
«Káýsar júrmese de, sóilemese de ómirge sondai qýanyshpen qaraidy, tamaq ishse de sondai baqytpen jeidi. Sonda adamnyń baqytty bolýy úshin tek tańdaý jasaý kerektigin túsindim. Káýsar – meniń ómirimdegi eń úlken syi», - dep túiindedi Tóreǵalidiń jubaiy.
Jeli qoldanýshylary Tolqynnyń shynaiy jazbasyna qoldaý bildirip, erekshe balany tárbieleýdegi sabyry men qaisarlyǵyna jyly lebizderin qaldyrdy.
