تانىمال ەنشٸ تٶرەعالي تٶرەەلٸنٸڭ جۇبايى تولقىن ەلەۋمەتتٸك جەلٸدەگٸ پاراقشاسىندا ەرەكشە قىزى كەۋسار تۋرالى ەسەرلٸ جازبا جارييالادى, دەپ حابارلايدى Ult.kz, Sn.kz-كە سٸلتەمە جاساپ.
ونىڭ ايتۋىنشا, تۇڭعىش قىزى دٷنيەگە كەلگەننەن كەيٸن ٶمٸرگە دەگەن كٶزقاراسى تٷبەگەيلٸ ٶزگەرگەن.
«ٶز-ٶزٸمە سۇراق قويدىم. مەديتسينادان باسقا ەشتەڭە كٶمەكتەسپەسە, مەن وسىنداي بالامەن قالاي ٶمٸر سٷرەمٸن? كەۋسار دٷنيەگە كەلگەنٸ تولقىندى 360 گرادۋسقا ٶزگەرتتٸ. قازٸرگٸ تولقىننىڭ جولىن باستاپ بەرگەن سول كەۋسار دەسەم قاتەلەسپەيمٸن», - دەدٸ ول.
تولقىن العاشىندا قىزىنىڭ دياگنوزىن قابىلداۋ وڭاي بولماعانىن جاسىرمادى.
«ەڭ بٸرٸنشٸدەن, كەۋسار دٷنيەگە كەلگەننەن باستاپ مەن شاعىمدانباۋدى ٷيرەندٸم. باستاپقى ۋاقىتتا قيىن بولدى. قابىلداماۋ, قارسىلىق بولدى. “مەنٸڭ ونداي بالا تۋۋىم مٷمكٸن ەمەس. مەنٸڭ بالامنىڭ دياگنوزىنىڭ بار بولۋىنا مەن لايىقتى ەمەسپٸن” دەگەن ٷلكەن قارسىلىق بولدى. بٸراق ۋاقىت ٶتە قابىلدادىم. قابىلداۋ مەنٸڭ دامۋىما, بٸلٸم الۋىما ەسەر ەتتٸ», - دەپ جازدى ول.
ونىڭ سٶزٸنشە, العاشقى بەس جىل بويى وتباسىنىڭ بار نازارى قىزدىڭ ەم-دومىنا باعىتتالعان.
«كەۋسار جٷرمەسە دە, سٶيلەمەسە دە ٶمٸرگە سونداي قۋانىشپەن قارايدى, تاماق ٸشسە دە سونداي باقىتپەن جەيدٸ. سوندا ادامنىڭ باقىتتى بولۋى ٷشٸن تەك تاڭداۋ جاساۋ كەرەكتٸگٸن تٷسٸندٸم. كەۋسار – مەنٸڭ ٶمٸرٸمدەگٸ ەڭ ٷلكەن سىي», - دەپ تٷيٸندەدٸ تٶرەعاليدٸڭ جۇبايى.
جەلٸ قولدانۋشىلارى تولقىننىڭ شىنايى جازباسىنا قولداۋ بٸلدٸرٸپ, ەرەكشە بالانى تەربيەلەۋدەگٸ سابىرى مەن قايسارلىعىنا جىلى لەبٸزدەرٸن قالدىردى.
