Qazaqstanda koronavirýs infektsiiasyn juqtyrǵan taǵy 12 adam anyqtaldy, dep habarlaidy "Ult aqparat".
«29 naýryz saǵat 23:30 jaǵdai boiynsha koronavirýs indetin juqtyrǵan taǵy 12 adam tirkeldi, Nur-Sultan qalasynda - 1 adam, Almaty qalasynda - 3 adam, Atyraý oblysynda - 6 adam, Almaty oblysynda - 2 adam» delingen QR Densaýlyq saqtaý ministrliginiń málimetinde.
Qazir elde naýqastar sany 283 adamǵa jetti. Barlyǵy 20 adam (Nur-Sultan - 13, Almaty - 7) aýrýdan jazylǵan. 26 naýryzda Aqmola oblysy Qosshy aýylynda 65 jastaǵy áiel adam koronavirýstan qaitys bolǵan.
Qazaqstanda koronavirýsqa bailanysty 15 sáýirge deiin tótenshe jaǵdai jariialanǵan. 28 naýryzdan bastap Almaty, Nur-Sultan, Shymkent qalalarynda saqtyq sharalary kúsheitildi. Bul qalalarda jurt tek tamaq, dári alýǵa jáne jumysqa shyǵa alady. Al 30 naýryzdan – 5 sáýir aralyǵynda Nur-Sultanda demalys jariialandy. Bul aralyqta qalada qoǵamdyq kólik júrmeidi. Tek dárigerler, politseiler, organ qyzmetkerleri men kommýnaldyq qyzmet ókilderi ǵana jumysqa shyǵady.
30 naýryzdan bastap Qaraǵandy oblysyndaǵy Qaraǵandy, Abai, Saran, Shahtinsk, Abai qalalary jáne Atyraý qalasy karantinge jabylmaq. Aqtaý qalasynda da jurttyń syrtqa shyǵýyna shekteý qoiyldy.
Virýs juqtyrǵan 283 adam myna qalalarda:
-
Nur-Sultanda - 167 adam
-
Almatyda - 70 adam
-
Atyraý oblysynda - 12 adam
-
Qaraǵandyda - 7 adam
-
Aqmola oblysynda - 6 adam
-
Almaty oblysynda - 6 adam
-
Jambyl oblysynda - 3 adam
-
Shymkentte - 2 adam
-
Batys Qazaqstan oblysy - 2 adam
-
Shyǵys Qazaqstan oblysynda - 2 adam
-
Aqtóbe oblysynda - 1 adam
-
Soltústik Qazaqstan oblysynda - 1 adam
-
Pavlodar oblysynda - 1 adam
-
Mańǵystaý oblysynda - 1 adam
-
Qyzylorda oblysynda - 2 adam.
