Qazaqstan jeri týraly daýly málimdeme jasaǵan reseilik depýtat Viacheslav Nikonov óz sózin túsindirdi, - dep habarlaidy Tengrinews.kz.
"Qazaq KSR shekarasyn bekitýde Qazaqstan múddesi tolyqtai eskerildi. Keiin Qazaq KSR Qazaqstan Respýblikasy boldy. Múmkindikti paidalana otyryp, baýyrlas Qazaqstan halqyna ystyq iltipatymdy bildirip, "Bolshaia igra" baǵdarlamasynda men dál osy nárseni aittym", - dep jazdy reseilik depýtat Telegram-kanalynda.
Eske salaiyq, buǵan deiin reseilik "Pervyi kanal" efirinde Memlekettik Dýma depýtaty Viacheslav Nikonovtyń Qazaqstan týraly aitqan sózi jelide taraǵan edi. Depýtat efir barysynda Qazaqstan degen el bolmady degen edi.
"Qazaqstan bolǵan joq, Soltústik Qazaqstanda buryn múlde qonystanbaǵan. Olar bolǵan, biraq ońtústikke jaqyn. Shyn máninde, Qazaqstan territoriiasy - Resei men Keńes Odaǵynyń úlken syilyǵy", - degen edi Nikonov "Bolshaia igra" baǵdarlamasynda.
