قازاقستان جەرٸ تۋرالى داۋلى مەلٸمدەمە جاساعان رەسەيلٸك دەپۋتات ۆياچەسلاۆ نيكونوۆ ٶز سٶزٸن تٷسٸندٸردٸ, - دەپ حابارلايدى Tengrinews.kz.
"قازاق كسر شەكاراسىن بەكٸتۋدە قازاقستان مٷددەسٸ تولىقتاي ەسكەرٸلدٸ. كەيٸن قازاق كسر قازاقستان رەسپۋبليكاسى بولدى. مٷمكٸندٸكتٸ پايدالانا وتىرىپ, باۋىرلاس قازاقستان حالقىنا ىستىق ٸلتيپاتىمدى بٸلدٸرٸپ, "بولشايا يگرا" باعدارلاماسىندا مەن دەل وسى نەرسەنٸ ايتتىم", - دەپ جازدى رەسەيلٸك دەپۋتات Telegram-كانالىندا.
ەسكە سالايىق, بۇعان دەيٸن رەسەيلٸك "پەرۆىي كانال" ەفيرٸندە مەملەكەتتٸك دۋما دەپۋتاتى ۆياچەسلاۆ نيكونوۆتىڭ قازاقستان تۋرالى ايتقان سٶزٸ جەلٸدە تاراعان ەدٸ. دەپۋتات ەفير بارىسىندا قازاقستان دەگەن ەل بولمادى دەگەن ەدٸ.
"قازاقستان بولعان جوق, سولتٷستٸك قازاقستاندا بۇرىن مٷلدە قونىستانباعان. ولار بولعان, بٸراق وڭتٷستٸككە جاقىن. شىن مەنٸندە, قازاقستان تەرريتوريياسى - رەسەي مەن كەڭەس وداعىنىڭ ٷلكەن سىيلىعى", - دەگەن ەدٸ نيكونوۆ "بولشايا يگرا" باعدارلاماسىندا.
