Elimizdiń Ishki ister ministrin taǵaiyndaý jáne qyzmetinen bosatý ókilettigi Qazaqstan Prezidentiniń quziretinde qaldyryldy, dep habarlaidy QazAqparat.
«Ishki ister ministrin taǵaiyndaý jáne qyzmetinen bosatý Prezidenttiń jeke quqyǵynda bolsyn degen usynys kóterilgen edi. Bul jaiynda biz jazbasha da usynys aldyq. Ony qarastyrdyq jáne usynyspen kelistik. Sebebi, birinshiden, Ishki ister ministri memlekettegi qoǵamdyq qaýipsizdik úshin, azamattardyń jeke basynyń qaýipsizdigine jaýap beredi», - dedi Parlament palatalarynyń otyrysynan keiin BAQ ókilderine suhbat bergen Májilis depýtaty, Konstitýtsiialyq reforma jónindegi zań jobasyn ekinshi oqylymǵa daiyndaý jónindegi birlesken komissiia tóraǵasy Nurlan Ábdirov.
Sonymen qatar onyń aitýynsha, Elbasy - Qazaqstan Respýblikasynyń Prezidenti óziniń joǵary mártebeli laýazymyna bailanysty QR Qarýly Kúshteriniń Joǵarǵy Bas Qolbasshysy bolyp sanalady.
«Al Ishki ister ministrliginiń quramynda Ulttyq gvardiia bar. Ol tikelei áskeri mekeme. Sol sebepti qoldadyq. Sondyqtan búgingi tańda Elbasynyń jeke quqymen taǵaiyndalatyn jáne qyzmetinen bosatylatyn Ishki ister ministri osy tártippen qala beredi. Qorǵanys ta, Syrtqy ister ministri de. Al Ádilet ministrin bekitý jáne qyzmetinen bosatý Parlamentke beriledi», - dedi Májilis depýtaty.
Aita keteiik, búgin QR Parlamenti palatalarynyń birlesken otyrysynda «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» QR Zańy qabyldanǵan bolatyn.
Barlyq quqyqtar qorǵalǵan. inform.kz belsendi siltemeni paidalanyńyz http://www.inform.kz/kz/ishki-ister-ministrin-tagayyndau-okilettigi-prezident-kuziretinde-kaldy_a3005383
.jpeg)