Foto: QR OAM
Astanada jumysshy mamandyqtar jyly qorytyndylandy, dep habarlaidy Ult.kz.
«Jumysshy mamandyqtar jyly: jetistikter, damý, perspektivalar» atty saltanatty keshte elimizdiń tehnikalyq jáne kásiptik bilim berý salasyndaǵy negizgi jetistikteri men jańa bastamalar tanystyryldy.
Sharaǵa QR Memlekettik Keńesshisi Erlan Qarin, Premer-Ministrdiń orynbasary – Mádeniet jáne aqparat ministri Aida Balaeva, QR Eńbek jáne halyqty áleýmettik qorǵaý ministri Svetlana Jaqypova qatysty. QR Oqý-aǵartý ministri Juldyz Súleimenova osy jiynda kásiptik bilim berý salasyndaǵy suraqtar týraly baiandady.
Biyl «Jumysshy mamandyqtar jyly» aiasynda ministrlik tarapynan tehnikalyq jáne kásiptik bilim berýdi jańǵyrtýǵa baǵyttalǵan jumys jasaldy. 2025–2026 oqý jylyna barlyǵy 189 myń talapker qabyldanyp, sonyń ishinde 145 myń bala memlekettik grantqa ie boldy. Memlekettik tapsyrystyń 70 paiyzy tehnikalyq mamandyqtarǵa baǵyttalyp, 9-synyp túlekteri negizinen geologiia, mashina jasaý, energetika, IT, metallýrgiia, kólik jáne qurylys sekildi suranysqa ie baǵyttar boiynsha tegin bilim alyp jatyr. Kolledjderde jalpy 556 myńnan astam stýdent bar, olardyń 393 myńy memlekettik tapsyrys aiasynda bilim alýda.
QR Oqý-aǵartý ministri Juldyz Súleimenova túlekterdiń alǵan mamandyǵy boiynsha jumysqa ornalasý múmkindikterin keńeitý máselesine nazar aýdardy. Memlekettik tapsyrys boiynsha oqyǵan túlekterdiń jalpy jumyspen qamtylý deńgeii joǵary bolǵanymen, olardyń tek shamamen 50 paiyzy ǵana óz mamandyǵy boiynsha eńbek etýde. Bul kadr daiarlaý men ekonomikanyń naqty qajettilikteri arasyndaǵy úilesimniń jetkiliksizdigin kórsetedi. Esterińizge sala ketsek, qazirgi tańda elimizde 763 kolledj bar, onyń 149-y aýyldyq jerde, 614 qalada ornalasqan.
.jpeg)
