.jpeg)
Foto: ashyq derekkóz
Qazaqstanda óndiris jáne jumysshy salasynyń ókilderin turǵyn úimen qamtýdy kózdeitin «Naýryz jumysker» baǵdarlamasy óz nátijesin berip keledi, dep habarlaidy Ult.kz.
2025 jyl — Jumysshy mamandyqtary jyly dep jariialanǵan kezeńde qolǵa alynǵan bul bastama arqyly búginde 1990 adam qonystoiyn atap ótti.
Baǵdarlama qatysýshylary — qurylys, energetika, kólik, munai jáne gaz, aýyl sharýashylyǵy, sý resýrstary men irrigatsiia salalarynda eńbek etip júrgen azamattar.
Baǵdarlama 2025 jyldyń kókteminde jumysshylardyń turǵyn úi máselesin sheshý maqsatynda iske qosylǵan. Ótinimder 17 naýryzdan bastap qabyldanǵan.
Eń kóp nesie alǵandar:
-
ónerkásip pen qurylys salasy – 1 176 adam;
-
kólik salasy – 396 adam;
-
energetika salasy – 269 adam.
Jalpy baǵdarlama 1 143 ekonomikalyq qyzmet túrin jáne 8 230 jumys mamandyǵyn qamtidy.
Baǵdarlamaǵa qatysý úshin konkýrstyq irikteý talap etilmeidi — tek jumys ornynan laýazymy men mamandyǵyn rastaityn anyqtama jetkilikti.
Qatysýshylardyń ortasha jasy – 31 jas, al turǵyn úi ieleriniń shamamen 20%-y – áielder.
Nesie sharttary:
-
Astana jáne Almaty qalalary úshin — 36 mln teńgege deiin;
-
Óńirler úshin — 30 mln teńgege deiin;
-
Mólsherleme — jyldyq 7%-dan 9%-ǵa deiin.
Qajetti sharttar:
-
bankte depozittiń bolýy (ótinim aldynda ashýǵa bolady);
-
jinaq shotynda keminde 2 mln teńge bolýy;
-
sońǵy 5 jylda ótinim berýshi men otbasy músheleriniń atynda turǵyn úi bolmaýy;
-
sońǵy ailarda resmi tabys pen zeinetaqy aýdarymdarynyń bolýy.
Bul bastama — jumysshy mamandyqtarynyń bedelin kóterip, áleýmettik qoldaýdy kúsheitýge baǵyttalǵan mańyzdy qadam.
