Aqtóbede týristik agenttikke aldanǵan azamattardyń sany 70-ten asty. Zardap shekkender politsiiaǵa aryz jazyp jatyr, alaida quqyq qorǵaý organdary jábirlenýshiler sany budan da kóp bolýy múmkin ekenin joqqa shyǵarmaidy, dep habarlaidy ult.kz.
Atalǵan derek boiynsha Qylmystyq kodekstiń «Alaiaqtyq» baby boiynsha is qozǵalǵan. Tergeý amaldary jalǵasýda.
Politsiia málimetinshe, 37 jastaǵy týristik agenttik jetekshisi azamattarǵa sheteldik saparlar uiymdastyryp, joldamalar satamyn degen jeleýmen aqsha jinaǵan. Alaida ol óz mindettemelerin oryndamaǵan. Sonyń saldarynan azamattar da týrdan, da qarajatynan aiyrylǵan.
Qazirgi tańda 70-ten astam jábirlenýshi politsiiaǵa júgingen. Jalpy keltirilgen materialdyq shyǵyn 32 million teńgeden asady.
Quqyq qorǵaý organdarynyń habarlaýynsha, zardap shekkender arasynda tek Aqtóbe turǵyndary ǵana emes, basqa óńir azamattary da bar.
Politsiia azamattarǵa Aqtóbe qalasy politsiia basqarmasynyń №1 bólimine nemese turǵylyqty jeri boiynsha jaqyn bólimshege habarlasýdy surady.
Kúdikti qazirgi ýaqytta úiqamaqta otyr.
Áleýmettik jelilerde zardap shekkender birigip, top quryp, quqyq qorǵaý organdaryna jappai aryzdaný qajettigin talqylap jatyr. Jelidegi jazbalarda azamattar aqshasyn qaitarý jáne ortaq áreket etý máselesin kóterýde.
.jpeg)