Ақтөбеде туристік агенттікке алданған азаматтардың саны 70-тен асты. Зардап шеккендер полицияға арыз жазып жатыр, алайда құқық қорғау органдары жәбірленушілер саны бұдан да көп болуы мүмкін екенін жоққа шығармайды, деп хабарлайды ult.kz.
Аталған дерек бойынша Қылмыстық кодекстің «Алаяқтық» бабы бойынша іс қозғалған. Тергеу амалдары жалғасуда.
Полиция мәліметінше, 37 жастағы туристік агенттік жетекшісі азаматтарға шетелдік сапарлар ұйымдастырып, жолдамалар сатамын деген желеумен ақша жинаған. Алайда ол өз міндеттемелерін орындамаған. Соның салдарынан азаматтар да турдан, да қаражатынан айырылған.
Қазіргі таңда 70-тен астам жәбірленуші полицияға жүгінген. Жалпы келтірілген материалдық шығын 32 миллион теңгеден асады.
Құқық қорғау органдарының хабарлауынша, зардап шеккендер арасында тек Ақтөбе тұрғындары ғана емес, басқа өңір азаматтары да бар.
Полиция азаматтарға Ақтөбе қаласы полиция басқармасының №1 бөліміне немесе тұрғылықты жері бойынша жақын бөлімшеге хабарласуды сұрады.
Күдікті қазіргі уақытта үйқамақта отыр.
Әлеуметтік желілерде зардап шеккендер бірігіп, топ құрып, құқық қорғау органдарына жаппай арыздану қажеттігін талқылап жатыр. Желідегі жазбаларда азаматтар ақшасын қайтару және ортақ әрекет ету мәселесін көтеруде.
.jpeg)