26 qazanda Qazaqstannyń birqatar óńirinde aýa raiy qubylmaly bolady. Kei aimaqtarda jańbyr men qar jaýyp, tuman túsip, kóktaiǵaq bolýy múmkin. Al ońtústik óńirlerde salystyrmaly túrde jyly aýa raiy saqtalady, dep habarlaidy ult.kz.
Astanada kóshpeli bultty, jaýyn-shashynsyz aýa raiy kútiledi. Túnde aýa temperatýrasy 1–3 gradýs aiaz, kúndiz 6–8 gradýs jyly bolady.
Almatyda da jaýyn-shashyn boljanbaidy. Túnde 3–5 gradýs aiaz bolsa, kúndiz aýa temperatýrasy 8–10 gradýsqa deiin kóteriledi.
Shymkentte kún bultty bolǵanymen, jaýyn-shashyn kútilmeidi. Túnde 2–4 gradýs, kúndiz 14–16 gradýs jyly bolady.
Soltústik jáne ortalyq óńirlerde kún sýytady.
Elimizdiń soltústik aimaqtarynda aýa raiy qubylmaly bolady. Kei jerlerde jańbyr men qar jaýyp, joldarda kóktaiǵaq qalyptasýy múmkin. Túnde aýa temperatýrasy 0–5 gradýs, kúndiz 6–11 gradýs jyly bolady.
Ortalyq Qazaqstanda túnde 2–10 gradýs aiaz kútiledi. Kúndiz aýa temperatýrasy 5–12 gradýsqa deiin kóteriledi. Qaraǵandy oblysynyń jekelegen aýdandarynda jaýyn-shashyn bolýy yqtimal.
Shyǵys óńirlerde de sýyq aýa raiy saqtalady. Túnde 5–10 gradýs, taýly aýdandarda 13–18 gradýs aiaz bolady. Kúndiz aýa temperatýrasy 5 gradýs aiaz ben 5 gradýs jylylyq aralyǵynda qubylady.
