26 قازاندا قازاقستاننىڭ بٸرقاتار ٶڭٸرٸندە اۋا رايى قۇبىلمالى بولادى. كەي ايماقتاردا جاڭبىر مەن قار جاۋىپ, تۇمان تٷسٸپ, كٶكتايعاق بولۋى مٷمكٸن. ال وڭتٷستٸك ٶڭٸرلەردە سالىستىرمالى تٷردە جىلى اۋا رايى ساقتالادى, دەپ حابارلايدى ult.kz.
استانادا كٶشپەلٸ بۇلتتى, جاۋىن-شاشىنسىز اۋا رايى كٷتٸلەدٸ. تٷندە اۋا تەمپەراتۋراسى 1–3 گرادۋس اياز, كٷندٸز 6–8 گرادۋس جىلى بولادى.
الماتىدا دا جاۋىن-شاشىن بولجانبايدى. تٷندە 3–5 گرادۋس اياز بولسا, كٷندٸز اۋا تەمپەراتۋراسى 8–10 گرادۋسقا دەيٸن كٶتەرٸلەدٸ.
شىمكەنتتە كٷن بۇلتتى بولعانىمەن, جاۋىن-شاشىن كٷتٸلمەيدٸ. تٷندە 2–4 گرادۋس, كٷندٸز 14–16 گرادۋس جىلى بولادى.
سولتٷستٸك جەنە ورتالىق ٶڭٸرلەردە كٷن سۋىتادى.
ەلٸمٸزدٸڭ سولتٷستٸك ايماقتارىندا اۋا رايى قۇبىلمالى بولادى. كەي جەرلەردە جاڭبىر مەن قار جاۋىپ, جولداردا كٶكتايعاق قالىپتاسۋى مٷمكٸن. تٷندە اۋا تەمپەراتۋراسى 0–5 گرادۋس, كٷندٸز 6–11 گرادۋس جىلى بولادى.
ورتالىق قازاقستاندا تٷندە 2–10 گرادۋس اياز كٷتٸلەدٸ. كٷندٸز اۋا تەمپەراتۋراسى 5–12 گرادۋسقا دەيٸن كٶتەرٸلەدٸ. قاراعاندى وبلىسىنىڭ جەكەلەگەن اۋداندارىندا جاۋىن-شاشىن بولۋى ىقتيمال.
شىعىس ٶڭٸرلەردە دە سۋىق اۋا رايى ساقتالادى. تٷندە 5–10 گرادۋس, تاۋلى اۋدانداردا 13–18 گرادۋس اياز بولادى. كٷندٸز اۋا تەمپەراتۋراسى 5 گرادۋس اياز بەن 5 گرادۋس جىلىلىق ارالىعىندا قۇبىلادى.
