قىزىلوردادا 14 جاستاعى نۇريسلامبەك قايعىلى جاعدايدا قازا تاپتى. جاسٶسپٸرٸمنٸڭ كەۋدەسٸنە بۇراۋىش سۇعىلىپ, العان جاراقاتىنان كٶز جۇمعان. وقيعاعا 13 جاستاعى جاسٶسپٸرٸم كٷدٸكتٸ, دەپ حابارلايدى ult.kz.
قايعىلى وقيعا 21 قازاندا قىزىلوردانىڭ ورتالىق الاڭىندا بولعان. مارقۇم نۇريسلامبەك سول جەردە بالالارعا ارنالعان ويىنشىق كٶلٸكتەردٸ جالعا بەرٸپ جۇمىس ٸستەگەن.
تۋىستارىنىڭ ايتۋىنشا, ەكٸ جاسٶسپٸرٸم اراسىندا كليەنتكە بايلانىستى جانجال تۋىنداعان بولۋى مٷمكٸن. جانجال كەزٸندە كٷدٸكتٸ نۇريسلامبەكتٸڭ كەۋدەسٸنە بۇراۋىش سۇققان. سالدارىنان بالا ٶمٸرٸنە قاۋٸپتٸ اۋىر جاراقات العان.
وقيعا بولعان سەتتە نۇريسلامبەكتٸڭ اناسى دا الاڭدا جٷرگەن. جاراقات العان جاسٶسپٸرٸم اناسىنا قاراي بٸرنەشە مەتر جٷرٸپ بارىپ, جەرگە قۇلاعان. ٶكٸنٸشكە قاراي, ونىڭ ٶمٸرٸن ساقتاپ قالۋ مٷمكٸن بولماعان.
بۇعان دەيٸن پوليتسييا كٷدٸكتٸنٸڭ ۇستالعانىن حابارلاعان. وقيعاعا بايلانىستى «كەمەلەتكە تولماعان ادامنىڭ دەنساۋلىعىنا قاساقانا اۋىر زييان كەلتٸرٸپ, ابايسىزدا ٶلٸمٸنە ەكەپ سوعۋ» دەرەگٸ بويىنشا قىلمىستىق ٸس قوزعالعان.
