استاناداعى 18 قاباتتى تۇرعىن ٷيدٸڭ 14-قاباتىنداعى پەتەر ٶرتەنٸپ, تٶتەنشە جاعداي قىزمەتكەرلەرٸ تٶرت ادامدى, ونىڭ ٸشٸندە ەكٸ بالانى قۇتقاردى, دەپ حابارلايدى ult.kz.
تٶتەنشە جاعدايلار مينيسترلٸگٸنٸڭ باسپاسٶز قىزمەتٸنٸڭ مەلٸمەتٸنشە, ٶرت ەسٸل اۋدانىنداعى مەڭگٸلٸك ەل داڭعىلىندا ورنالاسقان تۇرعىن ٷيدە بولعان. پەتەردەگٸ ٷي زاتتارى مەن جيھاز جانىپ, جالىن 25 شارشى مەتر اۋماقتى شارپىعان.
قۇتقارۋشىلار ارنايى تىنىس الۋ ماسكالارىن پايدالانىپ, تٶرت ادامدى قاۋٸپسٸز جەرگە شىعاردى. ٶرت تولىق سٶندٸرٸلدٸ. وقيعا سالدارىنان زارداپ شەككەندەر جوق.
وسىعان بايلانىستى تجم تۇرعىندارعا ٶرت قاۋٸپسٸزدٸگٸ تالاپتارىن ساقتاۋدى ەسكەرتتٸ. ٶرت بايقالعان جاعدايدا دەرەۋ 112 نٶمٸرٸنە حابارلاسىپ, ليفتٸنٸ پايدالانباۋ جەنە قۇتقارۋشىلاردىڭ نۇسقاۋلارىن ورىنداۋ قاجەت.
