Astanadaǵy 18 qabatty turǵyn úidiń 14-qabatyndaǵy páter órtenip, tótenshe jaǵdai qyzmetkerleri tórt adamdy, onyń ishinde eki balany qutqardy, dep habarlaidy ult.kz.
Tótenshe jaǵdailar ministrliginiń baspasóz qyzmetiniń málimetinshe, órt Esil aýdanyndaǵy Máńgilik El dańǵylynda ornalasqan turǵyn úide bolǵan. Páterdegi úi zattary men jihaz janyp, jalyn 25 sharshy metr aýmaqty sharpyǵan.
Qutqarýshylar arnaiy tynys alý maskalaryn paidalanyp, tórt adamdy qaýipsiz jerge shyǵardy. Órt tolyq sóndirildi. Oqiǵa saldarynan zardap shekkender joq.
Osyǵan bailanysty TJM turǵyndarǵa órt qaýipsizdigi talaptaryn saqtaýdy eskertti. Órt baiqalǵan jaǵdaida dereý 112 nómirine habarlasyp, liftini paidalanbaý jáne qutqarýshylardyń nusqaýlaryn oryndaý qajet.
