Áleýmettik jelide ómirden ótken dosyna arnalǵan kóńil aitý jazbasy jariialandy. Jazbany Nursultan Orynbek aitty, dep habarlaidy ult.kz.
Onyń aitýynsha, Ǵabit Ómirbek ekeýi 11 qazanda birge jolǵa shyǵa almaǵan. Dosy 16 qazanda artynan jetetinin aitqan eken.
“Ǵabeke… Dos… Áriptes… Jaqsy adam… Bul sońǵy aýdioń ekenin bilmedim… 11 qazanǵa ýmraǵa birge bara almadyq. 16-sy kúni artyńnan jetemin dep ediń… Eldi oilaǵan júregiń osylai jas shaǵyńda jalyndap turyp óship qalatynyn kim bilgen. Janyń jánnatta bolsyn”, – delingen jazbada.
Avtor marqumdy eldiń qamyn oilaǵan azamat, jaqsy dos ári áriptes retinde eske alyp, qimastyq sezimin bildirdi.
Ǵabit Ómirbek kim?
Ǵabit Ómirbek – azamattardyń quqyǵyn qorǵaýymen tanylǵan qazaqstandyq zańger. Ol «Lawyer 888» zańgerlik kompaniiasyn basqarǵan. Qylmystyq, azamattyq jáne ákimshilik istermen, sondai-aq otbasylyq jáne bank daýlarymen ainalysqan.
Zańger qoǵam nazaryn aýdarǵan isterde jábirlenýshilerge quqyqtyq kómek kórsetken. Sonyń ishinde Otardaǵy áskeri bólimde soqqyǵa jyǵylyp, jaq súiegi synǵan sarbaz Esbol Qapardyń múddesin qorǵaǵan. Ol áskeri qyzmetshilerdiń qaýipsizdigi men olardyń quqyqtarynyń saqtalýy máselesin kótergen.
Ǵabit Ómirbek buqaralyq aqparat quraldary men áleýmettik jelilerde halyqqa zań talaptaryn túsindirip júrgen. Nesie, bankpen aradaǵy daý jáne alaiaqtyqtan qorǵaný máseleleri boiynsha keńes bergen.
Onyń ómirden ótkeni týraly jýrnalist Irina Sovetjan habarlaǵan. Jýrnalist marqumnyń óz siýjetterindegi kóptegen keiipkerge tegin zańgerlik kómek kórsetkenin aityp, ony janashyr azamat retinde eske aldy.
