Atyraý qalasyndaǵy mektepterdiń birine 11 jastaǵy 6-synyp oqýshysy pyshaq alyp kelgen. Aldyn ala málimet boiynsha, buǵan qatarlastarymen bolǵan kelispeýshilik sebep bolýy múmkin, dep habarlaidy ult.kz.
Oblystyq politsiia departamenti oqiǵany rastady. Abyroi bolǵanda, eshkim zardap shekpegen.
Qazir tiisti organdar oqiǵanyń mán-jaiyn anyqtap jatyr. Oqýshylar arasyndaǵy yqtimal býlling belgileri men balanyń emotsionaldyq jaǵdaiyn baǵalaý úshin psihologiialyq-pedagogikalyq jumys júrgizilmek.
Oblystyq balalardyń quqyqtaryn qorǵaý jónindegi basqarmanyń málimetinshe, mektep ákimshiligi qaýipsizdikti qamtamasyz etý jáne jaǵdaiǵa qatysy bar oqýshylarmen profilaktikalyq jumys júrgizý sharalaryn qolǵa alǵan.
